Fransuzcha shirinlik — benye ponchiklarini tayyorlab ko‘ring

Aslida orleanlarning an’anaviy shirinligi hisoblangan benye ponchiklari fransuz mustamlakachilari tomonidan mamlakatga olib kelingan. Ammo asrlar oshsa-da mazkur ponchiklar barchaning sevimli yeguligi sifatida iste’mol qilinadi.

Kerakli mahsulotlar:

• suv − 180 ml;
• xamirturush kukuni − 3 choy qoshiq;
• sariyog‘ − 3 osh qoshiq;
• tuxum − 2 dona;
• sut  − 120 ml;
• shakar − 90 gramm;
• un − 500 gramm;
• o‘simlik moyi − 1 litr;
• tuz − 1/2 choy qoshiq;
• shakar upasi.

1. Iliq suv bilan xamirturush aralashtiriladi va ko‘pirgunga qadar 5-10 daqiqaga qoldiriladi.
2. Ustidan eritilgan sariyog‘, tuxum, sut va shakar solib aralashtiriladi.
3. Alohida idishda un va tuz aralashtirilib, so‘ngra sutli massa bilan birlashtiriladi va yumshoq xamir qoriladi.
4. Yog‘langan idishga tayyor bo‘lgan xamir solinib, 1 soatga tindirishga qo‘yiladi.
5. Xamir ko‘tarilgach, 5-6 mm qalinlikda yoyiladi va to‘rtburchak shaklda kesib chiqiladi.
6. Chuqurroq idishda o‘simlik moyi yaxshilab qizidirilib, xamir bo‘laklari qizargunga qadar pishirib olinadi.
7. Tayyor bo‘lgan ponchiklar panjara yuzasiga teriladi, shunda ortiqcha yog‘lardan xalos bo‘ladi. Yuzasidan shakar upasi elab chiqiladi.