Аслида орлеанларнинг анъанавий ширинлиги ҳисобланган бенье пончиклари француз мустамлакачилари томонидан мамлакатга олиб келинган. Аммо асрлар ошса-да мазкур пончиклар барчанинг севимли егулиги сифатида истеъмол қилинади.
Керакли маҳсулотлар:
- сув − 180 мл;
- хамиртуруш кукуни − 3 чой қошиқ;
- сариёғ − 3 ош қошиқ;
- тухум − 2 дона;
- сут − 120 мл;
- шакар − 90 грамм;
- ун − 500 грамм;
- ўсимлик мойи − 1 литр;
- туз − 1/2 чой қошиқ;
- шакар упаси.
- Илиқ сув билан хамиртуруш аралаштирилади ва кўпиргунга қадар 5-10 дақиқага қолдирилади.
- Устидан эритилган сариёғ, тухум, сут ва шакар солиб аралаштирилади.
- Алоҳида идишда ун ва туз аралаштирилиб, сўнгра сутли масса билан бирлаштирилади ва юмшоқ хамир қорилади.
- Ёғланган идишга тайёр бўлган хамир солиниб, 1 соатга тиндиришга қўйилади.
- Хамир кўтарилгач, 5-6 мм қалинликда ёйилади ва тўртбурчак шаклда кесиб чиқилади.
- Чуқурроқ идишда ўсимлик мойи яхшилаб қизидирилиб, хамир бўлаклари қизаргунга қадар пишириб олинади.
- Тайёр бўлган пончиклар панжара юзасига терилади, шунда ортиқча ёғлардан халос бўлади. Юзасидан шакар упаси элаб чиқилади.
Изоҳ (0)