Sabzavotlardan tayyorlangan har qanday taom mazali bo‘lishi bilan birga, vitaminlarga ham boydir. Ramazon kunlarida saharlik yoki iftorlik dasturxoni uchun mazkur kotletlar ajoyib tanlov hisoblanadi.
Karamli kotlet retsepti
Karamli kotletni tayyorlash juda oson. Keyinchalik ham ushbu kotletni haftalik taomnomaga kiritish mumkin.
Kerakli mahsulotlar:
- karam − 1 kilogramm;
- piyoz − 1 dona;
- un − 120 gramm;
- quritilgan non − 3-4 osh qoshiq;
- sarimsoq − 3-4 bo‘lak;
- ko‘kat, tuz va ziravorlar.
- Karamni 3-4 bo‘lakka bo‘lib, qaynab turgan suvga solinadi. 10-15 daqiqa yumshaguncha qaynatiladi. So‘ngra suvini to‘kib, blender yordamida maydalanadi.
- Piyoz, sarimsoq mayda to‘g‘ralib, karamga qo‘shiladi. Ko‘katlar va un aralashmaga solinadi va kotletlar hosil qilinadi. Kotletlar quritilgan non talqoniga botirib olinadi va qizigan yog‘da qovuriladi.
Ushbu kotletlarni oldindan tayyorlab, muzlatishga qo‘yish mumkin. So‘ngra istalgan vaqtda ularni shunchaki qovurib, iste’mol qilsa bo‘ladi.
Kerakli mahsulotlar:
- kartoshka − 1 kilogramm;
- yong‘oq − 100 gramm;
- tuxum − 2 dona;
- sariyog‘ − 2 osh qoshiq;
- un − 2 osh qoshiq;
- o‘simlik yog‘i, smetana, tuz va ziravorlar.
- Yong‘oqlar quruq tovada qovurib olinadi. Kartoshka qaynatilib, pyure holiga keltiriladi. So‘ngra tuxum, yong‘oq va sariyog‘ qo‘shib aralashtiriladi.
- Massadan 12 taga yaqin kotlet tayyorlanadi va unga botirib olinadi. Yog‘da ikki tomoni qizargunga qadar qovuriladi. Kotletlarni smetana bilan birgalikda dasturxonga tortish mumkin.
Sabzini xush ko‘ruvchilar uchun to‘yimli hamda vitaminga boy retsept.
Kerakli mahsulotlar:
- sabzi − 4 dona;
- olma − 2 dona;
- sut − 1/2 stakan;
- tuxum − 1 dona;
- yorma − 2 osh qoshiq;
- sariyog‘ − 2 osh qoshiq;
- smetana, shakar, quritilgan non, tuz va ziravorlar.
- Sabzi tozalanib, qirg‘ichdan o‘tkaziladi. Olma to‘rtburchak shaklda to‘g‘raladi. So‘ngra sabzi va sariyog‘ aralashtirilib, olovga qo‘yiladi. Ustidan sut quyiladi va 3 daqiqa davomida qaynatiladi.
- Ustidan olma, yorma, tuz va shakar qo‘shiladi. Yaxshilab aralashgandan so‘ng tuxum solinadi va bir xil quyuqlikdagi massa hosil qilinadi.
- Massadan kotletlar yasab, quritilgan nonga botirib olinadi. Tovada yoki pechda qizargunga qadar pishiriladi va smetana bilan birgalikda dasturxonga tortiladi.
Navbatdagi kotlet retsepti ham oilaning barcha a’zosiga manzur kelishi shubhasiz.
Kerakli mahsulotlar:
- karam − 1/2 kilogramm;
- sabzi − 2 dona;
- piyoz − 1 dona;
- sut − 1/2 stakan;
- tuxum − 2 dona;
- yorma − 3 osh qoshiq;
- ko‘kat, tuz va ziravorlar.
- Piyoz to‘rtburchak to‘g‘raladi, sabzi qirg‘ichdan o‘tkaziladi. Karam mayda to‘g‘ralib, tuxum yorma bilan aralashtiriladi.
- Tovada avval piyoz qovuriladi, keyin sabzi va karam qo‘shiladi. Tuz va ziravorlardan so‘ng sut solib, 10 daqiqa qaynatiladi.
- Hosil bo‘lgan massaga tuxumli aralashma qo‘shiladi va kotletlar hosil qilinadi. Unga botirib, qizarguncha qovuriladi. So‘ngra ko‘katlar bilan bezatilib, dasturxonga tortiladi.
Izoh (0)