Iftorlikka qo‘ziqorin va brokkoli qo‘shib, mazali pasta tayyorlang

Barra sabzavotlar va qo‘ziqorin makaronga ajoyib ta’m berishi shubhasiz.

Kerakli mahsulotlar:

• sarimsoq piyoz — 2 dona;
• qo‘ziqorin (shampinyon) — 8—10 dona;
• brokkoli — 100 g;
• makaron — 200 g;
• tuz, murch;
• kokos suti — 240 ml;
• o‘simlik yog‘i — 2 osh qoshiq;
• yashil no‘xat — 100 g.

• Sarimsoqni maydalang, qo‘ziqorinni bo‘laklarga bo‘ling, brokkolini qo‘lingiz bilan bo‘laklarga ajrating.
• Makaronni tuz solingan suvda pishirib oling.
• O‘simlik yog‘i solingan tovada sarimsoq piyozni qovurib oling.
• Qo‘ziqorinni soling va yana taxminan 4 daqiqa qovuring.
• Kokos suti, brokkoli va no‘xatlarni solib, yaxshilab aralashtiring, qaynab chiqqanidan keyin 7—8 daqiqa dimlang.
• Makaronga aralashmani qo‘shing, tuz va murch seping.