AQShning Florida shtatidan bo‘lgan Kortni Uilson va Shenita Jons o‘zlarining nikoh to‘yiga mehmonlarni “orzudagi koshonasi”ga taklif qilgan. Hashamatli uy sotuvga qo‘yilgan va juftlik uy egasidan ruxsat so‘ramay, tantanani shu yerda nishonlamoqchi bo‘lgan, deb yozadi Esquire.
Qiymati 5,6 million dollarga baholangan uy hududida tennis korti, shiyponcha, basseyn, bouling, bar, uy kinoteatri va hatto sun’iy sharshara mavjud. Ma’lum bo‘lishicha, to‘yga qadar Uilson potensial xaridor sifatida ushbu koshonani ko‘rib ketgan.
Aftidan, erkak uy shundoq ham bo‘sh turgani uchun u yerda ikki kunlik bazm uyushtirsa bo‘ladi, deb hisoblagan. Biroq bayramning birinchi kunidayoq uy egasi Natan Finkel yetib kelgan. Aniqlanishicha, uy egasi xuddi shu hududdagi uylardan birida istiqomat qilgan, kelin va kuyov esa bundan bexabar bo‘lgan.
Finkel politsiyaga qo‘ng‘iroq qilib, o‘z mulkiga bosqinchilik qilishganini bildirgan. Shu bilan birga, uning so‘zlariga ko‘ra, juftlik bazmni tugatishni xohlamagan va ko‘ngilxushlikni davom ettirishga uringan. “Ular jahlimni chiqarishni davom etdi. Bu yerda to‘y bo‘layotgani va bu Xudoning amri ekanligini aytishdi. Nima bo‘layotganini tushunmadim”, — degan ayol politsiyachilarga.
Oxir-oqibat juftlik hodisa joyiga yetib kelgan ofitserlarning talabiga ko‘ra, ketishga rozi bo‘lgan.
Izoh (0)