Avstraliyaning Yangi Janubiy Uels shtatidagi baliqchilar og‘irligi 271 kilogramm keladigan tunets balig‘ini tutishga muvaffaq bo‘ldi, deb xabar beradi “Korrespondent.net”.
Ta’kidlanishicha, mazkur tunets o‘rtacha o‘lchamdagi baliqlarda to‘rt barobar katta. Odatda bu turdagi baliqlarning og‘irligi 60 kilogrammdan oshmaydi.
“Bu, shubhasiz, ajoyib baliq. U yaxshi holatda”, — deydi Sidney baliq bozori menejeri Erik Pul.
Baliqchilar tomonidan ushlangan rekord darajadagi o‘lja shu kunning o‘zida Sidney baliq bozorida Yaponiyaga mahsulotlarni yetkazib berish bilan shug‘ullanuvchi Claudio’s Seafood dengiz mahsulotlari riteyleriga sotilgan.
Eslatib o‘tamiz, 2019-yilda Tokio baliq bozoridagi auksionda og‘irligi 278 kilogramm bo‘lgan tunets balig‘i salkam 3,1 million AQSh dollariga sotilgandi.
Izoh (0)