АҚШда келин-куёв ўз тўйини 5,6 млн долларлик кошонада ўтказди. Улар сотувга қўйилган уй бўш деб ўйлаган, бироқ уй эгаси тезда етиб келган

АҚШнинг Флорида штатидан бўлган Кортни Уилсон ва Шенита Жонс ўзларининг никоҳ тўйига меҳмонларни «орзудаги кошонаси»га таклиф қилган. Ҳашаматли уй сотувга қўйилган ва жуфтлик уй эгасидан рухсат сўрамай, тантанани шу ерда нишонламоқчи бўлган, деб ёзади Esquire.

Қиймати 5,6 миллион долларга баҳоланган уй ҳудудида теннис корти, шийпонча, бассейн, боулинг, бар, уй кинотеатри ва ҳатто сунъий шаршара мавжуд. Маълум бўлишича, тўйга қадар Уилсон потенциал харидор сифатида ушбу кошонани кўриб кетган.

Афтидан, эркак уй шундоқ ҳам бўш тургани учун у ерда икки кунлик базм уюштирса бўлади, деб ҳисоблаган. Бироқ байрамнинг биринчи кунидаёқ уй эгаси Натан Финкел етиб келган. Аниқланишича, уй эгаси худди шу ҳудуддаги уйлардан бирида истиқомат қилган, келин ва куёв эса бундан бехабар бўлган.

Финкел полицияга қўнғироқ қилиб, ўз мулкига босқинчилик қилишганини билдирган. Шу билан бирга, унинг сўзларига кўра, жуфтлик базмни тугатишни хоҳламаган ва кўнгилхушликни давом эттиришга уринган. «Улар жаҳлимни чиқаришни давом этди. Бу ерда тўй бўлаётгани ва бу Худонинг амри эканлигини айтишди. Нима бўлаётганини тушунмадим», — деган аёл полициячиларга.

Охир-оқибат жуфтлик ҳодиса жойига етиб келган офицерларнинг талабига кўра, кетишга рози бўлган.