Minnesotadagi Voyajers milliy bog‘idagi bo‘rilarni tadqiq etish bilan shug‘ullanuvchi The Voyageurs Wolf Project tashkiloti a’zolari yolg‘iz bo‘rining bo‘yinbog‘iga videokamera o‘rnatib, uning kun davomida nima bilan shug‘ullanishini o‘rgandi, deb xabar beradi Meduza.
Tadqiqotchilar kamerani o‘rnatishda biroz xatolikka yo‘l qo‘ygan, tasvirning bir qismini bo‘rining yunglari to‘sib qolgan.
Kamera har soatning boshida 30 soniya davomida tasvirlarni yozib olgan. Tadqiqotchilar jami yetti daqiqaga yaqin videoni qo‘lga kiritgan. Xususan,
- g‘amlab qo‘yilgan bug‘u oyog‘ini g‘ajish,
- daryoda baliq tutish,
- o‘rmon bo‘ylab yugurish,
- yana bitta baliq tutish,
- yana yugurish,
- uchinchi baliqni tutish.
Tadqiqotchilar ushbu tajribani muvaffaqiyatli o‘tdi deb hisoblagan va keyinchalik ham bo‘rilar hayotini yaxshiroq o‘rganish maqsadida kamerali bo‘yinbog‘dan foydalanishlarini ma’lum qilgan.
Izoh (0)