Yaponiyalik ayolning turmush o‘rtog‘i uchun tayyorlagan san’at asari darajasidagi taomlari (foto)

Odatda ayollar turmush o‘rtog‘iga taom tayyorlash uchun astoydil harakat qiladi. Ammo bugungi qahramon barcha mehribon ayollardan ham o‘zgacha. Uning taomlari chinakam san’at asari hisoblanadi va bu borada uning umr yo‘ldoshi juda baxtli.

Mashhur asarlarning nusxalari, taniqli shaxslar portreti, sevimli film qahramonlari – bularning barchasi yaponiyalik ayol Mika Matsuuraga tegishli.

Ayol shunday yangiliklar o‘ylab topadiki, balki uni iste’mol qilishga erining ko‘zi qiymas. Ammo tushlik uchun tayyorlangan taomlar ikkisining ham kayfiyatini ko‘tarishi shubhasiz.

Turmush o‘rtog‘iga tayyorlagan taomni yuborishdan avval Mika ularni suratga oladi va o‘zining Instagram sahifasiga joylashtiradi. Aks holda boshqa insonlar bu kabi mo‘jizalarni tomosha qilishdan bebahra qolar edi.

Mika tushlik tayyorlash uchun tonggi yettida uyg‘onadi. Taom uchun barcha masalliqni kechasi tayyorlab qo‘yadi. Shoh asar yaratish uchun, albatta, kuch va vaqt sarflaydi.

Yaponiyada insonlar shu qadar bandki, tushlik uchun restoranlarga borish yoki navbat kutishni xohlamaydi. Shuning uchun ko‘pchilik uyidan maxsus idishlarda taom olib keladi.

Shuning uchun ham yapon ayollari tushlik uchun tayyorlangan ovqatlarni o‘zgacha estetik did bilan bezatishga harakat qiladi. Garchi ularning hammasi ham Mika singari san’at asarini yaratishga qodir bo‘lmasa-da, taom yanada mazali bo‘lishi va ishtahani ochib yuborishi uchun bor kuchi bilan harakat qiladi.