Миннесотадаги Вояжерс миллий боғидаги бўриларни тадқиқ этиш билан шуғулланувчи The Voyageurs Wolf Project ташкилоти аъзолари ёлғиз бўрининг бўйинбоғига видеокамера ўрнатиб, унинг кун давомида нима билан шуғулланишини ўрганди, деб хабар беради Meduza.
Тадқиқотчилар камерани ўрнатишда бироз хатоликка йўл қўйган, тасвирнинг бир қисмини бўрининг юнглари тўсиб қолган.
Камера ҳар соатнинг бошида 30 сония давомида тасвирларни ёзиб олган. Тадқиқотчилар жами етти дақиқага яқин видеони қўлга киритган. Хусусан,
- ғамлаб қўйилган буғу оёғини ғажиш,
- дарёда балиқ тутиш,
- ўрмон бўйлаб югуриш,
- яна битта балиқ тутиш,
- яна югуриш,
- учинчи балиқни тутиш.
Тадқиқотчилар ушбу тажрибани муваффақиятли ўтди деб ҳисоблаган ва кейинчалик ҳам бўрилар ҳаётини яхшироқ ўрганиш мақсадида камерали бўйинбоғдан фойдаланишларини маълум қилган.
Изоҳ (0)