Hindistonda yolg‘iz yo‘lbars o‘ziga juft qidirib rekord darajadagi uch ming kilometr yo‘lni bosib o‘tdi, deb xabar beradi BBC News.

Foto: BBC

O‘rmonchilar 3,5 yoshli sayohatchi yo‘lbarsga Walker deb nom qo‘ygan. U Maxarashtra shtatini 2019-yilning iyunida tark etgan. Shundan buyon yirtqich GPS-bo‘yinbog‘ yordamida kuzatib kelingan. Yo‘lbars to‘qqiz oy davomida Maxarashtraning yettita tumanini bosib o‘tgan, 2020-yilning martida esa uni Jerumatargaon qishlog‘idagi tabiat qo‘riqxonasiga joylashtirishgan. Aprelda uning bo‘yinbog‘i yechilgan.

O‘rmon departamentining ta’kidlashicha, yo‘lbars nafaqat o‘ziga juft qidirgan, balki yegulik va yashash uchun yaxshiroq sharoit topmoqchi bo‘lgan. Ayni vaqtda Walker — Jerumatargaon qo‘riqxonasidagi yagona yo‘lbars. Undan tashqari qo‘riqxonada leopardlar, nilgau (juft tuyoqli shoxdor hayvon), to‘ng‘izlar, tovuslar va bug‘ular yashaydi.

Hayvon kuzatuvchilari yirtqich o‘zidan avlod qolishi uchun uning oldiga urg‘ochi yo‘lbarsni kirish yoki kiritmaslikni hal qiladi. “Aslida bu kichkina qo‘riqxonada. U ferma va o‘rmonlar bilan o‘ralgan. Agarda yo‘lbars shu yerda ko‘paysa, yangi tug‘ilgan yo‘lbarschalar muntazam qochib ketadi; bundan tashqari, ularga juda ko‘p hayvon ozuqalari kerak bo‘ladi”, — shtatning katta o‘rmonchisi Nitin Kakodkar.

Ekspertlarning ta’kidlashicha, yirtqichda ovqat tanqisligi bo‘lmasligi uchun uning ratsionida 500 ga yaqin tur bo‘lishi kerak.