Ilhom Saparov Surxondaryo viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlari bo‘yicha o‘rinbosari etib tayinlandi, deb xabar beradi O‘zA.
Ilhom Saparov 1975-yil Termiz tumanida tug‘ilgan. 2002-yil Termiz davlat universitetining bakalavr, 2011-yil magistr yo‘nalishlarini tugatgan. Mutaxassisligi bo‘yicha o‘qituvchi.
Saparov mehnat faoliyati davomida Termiz pegagogika kolleji jismoniy tarbiya va biologiya fani o‘qituvchisi, bo‘lim mudiri, ishlab chiqarish ta’limi bo‘yicha direktor o‘rinbosari vazifasini vaqtincha bajaruvchi, Termiz maktabgacha ta’lim va xizmat ko‘rsatish kasb-hunar kolleji ishlab chiqarish ta’limi bo‘yicha direktor o‘rinbosari, Termiz bank kolleji direktori, Termiz shahar xalq ta’limi bo‘limi mudiri vazifalarida ishlagan. 2017-yildan Surxondaryo viloyati o‘rta maxsus, kasb-hunar ta’limi boshqarmasi boshlig‘i, 2018-2021-yillarda Surxondaryo viloyati xalq ta’limi boshqarmasi boshlig‘i lavozimlarida mehnat qilgan.
Ilhom Saparov tayinlovga qadar Surxondaryo viloyati madaniyat boshqarmasi boshlig‘i vazifasida faoliyat yuritgan.
Avvalroq O‘zbekiston yoshlar ittifoqi raisi Sergeli tumani hokimining birinchi o‘rinbosari etib tayinlangani, shuningdek, Toshkent viloyati hokimiga yangi yordamchi va maslahatchi, viloyat XTB boshlig‘i tayinlangani to‘g‘risida xabar berilgandi.
Mavzuga doir: Urganch hokimiga yangi o‘rinbosarlar tayinlandi
Izoh (0)