Avstriyaning sog‘liqni saqlash va ijtimoiy masalar vaziri Rudolf Anshober 13-aprel kuni pandemiya paytida me’yoridan ortiq ishlagani va sog‘lig‘ining yomonlashgani tufayli iste’foga chiqishini e’lon qildi. Bu haqda “Korrespondent.net” xabar berdi.
Anshober haddan tashqari ko‘p ishlagan va charchagani, sog‘liqni saqlash vaziri sifatida o‘zining salomatligiga ham javobgar ekanini aytdi.
“Pandemiya davrida sog‘liqni saqlash vaziri 100 foiz sog‘lom bo‘lishi kerak ”, — deb qo‘shimcha qildi u.
Anshoberning ta’kidlashicha, u faoliyati davomida muntazam tanqidlarga uchragan va ko‘pincha tahdidlarga ham duch kelgan.
“Men qo‘limdan kelgan barcha ishni qildim va juda katta mas’uliyatni o‘z zimmamga oldim. Bir necha hafta oldin o‘zimni yaxshi his qilayotgan edim. Mendagi qand miqdori va qon bosimi oshib ketdi”, — dedi Anshober.
Vazirning aytishicha, shifokorlar unga dam olishni tavsiya qilgan, lekin pandemiya davrida buning iloji bo‘lmagan.
Avvalroq Chexiya bosh vaziri Andrey Babish mamlakat sog‘liqni saqlash vaziri Yan Blatnini ishdan bo‘shatishga qaror qilgani haqida xabar berdi. Uning o‘rniga Pragadagi Bulovtsa fakultet shifoxonasi direktori Petr Arenberger tayinlandi. Arenberger koronavirus pandemiyasi davrida Sog‘liqni saqlash vazirligini boshqargan to‘rtinchi rahbar bo‘ladi.
Shuningdek, Braziliya prezidenti Jair Bolsonaru ham Braziliya kardiologlar jamiyati rahbari, doktor Marselu Keyroga general Eduardo Pazuellaning o‘rniga sog‘liqni saqlash vaziri lavozimiga tayinlanganini e’lon qildi va shu bilan Keyroga mamlakatda koronavirus pandemiyasi davrida sog‘liqni saqlash vaziri lavozimiga tayinlangan to‘rtinchi odam bo‘ldi.
Izoh (0)