Turkiyada hukumatni tanqid qilgani uchun hibsga olingan sobiq admirallar (harbiy flotdagi oliy unvon sohibi) ozod qilindi, deb yozadi Bianet.
Rasmiylar suddan gumonlanuvchilardan biri, iste’fodagi admiral Ergun Mengini konstitutsiyaviy tuzumga putur yetkazish uchun fitna uyushtirishda ayblab, hibsda ushlab turilishini so‘radi. Biroq sud uni ham provinsiyani tark etmaslik sharti bilan ozod qildi.
5-aprel kuni Anqara Bosh prokuraturasi iste’fodagi 10 nafar admiralga nisbatan hibsga olish orderi berilganini ma’lum qildi. Shuningdek, huquqni muhofaza qilish idorasi yana 4 nafar gumonlanuvchiga uch kun ichida o‘z ixtiyori bilan politsiyaga murojaat qilishini buyurib, gumon qilinuvchilarning yoshi katta bo‘lgani sababli ularni hibsga olmaslik to‘g‘risida qaror qabul qildi.
Sobiq admirallarga qarshi jinoiy ish qo‘zg‘atishga 4-aprel kuni 104 nafar sobiq harbiy xizmatchi nomidan kelgan xat asos bo‘ldi. Xatda sobiq admirallar Turkiyaning Montryo konvensiyasidan chiqish ehtimolidan xavotirdaligi bayon qilingan.
Izoh (0)