Instagram: Kasalligi haqidagi gap-so‘zlardan so‘ng ilk marta ko‘ringan Sherali Jo‘rayev, 50 ming dollarga chuv tushgan Imron, Ozodaning sahnada qo‘lini so‘rashdi

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

Sitora Alimjonova “Hindi show” ko‘rsatuvida Bollivud aktrisasi Priti Zintaga aylandi.

Mavluda Asalxo‘jayeva folloverlarini Ramazon bilan tabrikladi.

Xonanda Imron bir ijodkorga 5 ta qo‘shiq uchun 50 ming dollar berib, haligacha pulni ham, qo‘shiqni ham ololmagani haqida gapirib berdi.

Muqaddas Sa’dullayeva 12-aprel kuni tavallud ayyomini nishonlayotgan onasi, aktrisa Gulchehra Sa’dullayevani ta’sirli tarzda tabrikladi.

Ozoda Nursaidovaning konsertida qiziq holat kuzatildi: sahnada xonandaning qo‘lini so‘rashdi.

Durdona Qurbonova Yulduz Rajabova bilan tushgan suratini sahifasiga joyladi.

12-aprel kuni O‘zbekiston xalq artisti Sherali Jo‘rayev ham tug‘ilgan kunini nishonlamoqda. Shohjahon Jo‘rayev otasiga atalgan dil so‘zlarini sahifasiga yozib qoldirdi.

Bokschi Shohjahon Ergashev Sherali Jo‘rayevni tabriklash uchun uning uyiga bordi hamda hofiz bilan tushgan suratini sahifasiga joyladi. Ushbu surat Sherali Jo‘rayevning kasalligi haqidagi mish-mishlardan so‘ng e’lon qilingan ilk surat hisoblanadi.

Klipmeyker Shuhrat Mavlonov ham Sherali Jo‘rayevni tabriklash uchun uning uyiga bordi.

Avvalroq O‘zbekiston xalq artisti Sherali Jo‘rayevning ozib ketgani aks etgan video tarqalgan edi.

Shahzoda Matchonova ona bo‘lganidan so‘ng ilk marta ko‘rinish berdi. Shahzoda Muhammedova xususiy klinika oldida adash dugonasini uchratib qoldi.

Ijtimoiy tarmoqlarda Adham Soliyevning “Mohira” qo‘shig‘iga raqsga tushayotgan qora tanli yigit aks etgan quvnoq video ommalashmoqda.