Turk kinosi qahramonlarining sevgisi ko‘pincha ekranga ko‘chadi, muxlislar esa bundan faqat va faqat xursand bo‘ladi. Ammo, afsuski, hamma juftlik ham o‘rtasidagi munosabatlarni oxirigacha saqlab qolishga muvaffaq bo‘lavermaydi.
Jansu Dere va Metin Akdulger
Turkiyaning eng taniqli aktrisalardan biri bo‘lgan Jansu “Shaxsiyat” serialining suratga olish maydonida Metin Akdulger bilan tanishgan. Juftlik orasida samimiy munosabat bo‘lgan. O‘rtasidagi aloqalarni sir tutishiga qaramay, ommaga ovoza bo‘lgan. Do‘stlari va yaqinlari bilan vaqtini chog‘ kechirgan aktyor va aktrisa hammasiga nuqta qo‘ygan. Bunga ko‘pchilik aktrisaning yoshi yigitdan 7 yosh katta ekanligini sabab qilib ko‘rsatgan.
Beren Saat va Bulent Inal
“Fatmagulning aybi nima?” seriali yulduzi mashhur turk aktyori Bulent Inalga oshiq bo‘lgan. Uch yil davomida birga yashaganiga qaramay, ular ajralgan. OAVda Bulent Tuba Buyukustunga ko‘ngil qo‘ygani haqida xabar tarqalgan.
Engin Akyurek va Tuvana Turkay
Muxlislar “Pul va ishq” serialida suratga tushgan Engin va Tuvananing hayotda ham qahramonlari singari bir-biriga ko‘ngil qo‘yishini istagan. Ammo aktyor suratga olish jamoasidagi boshqa bir aktrisani yoqtirib qolgan. Biroz muddat uchrashgan juftlikning munosabatlari to‘ygacha bormagan. Ular 2017-yil boshqa-boshqa yo‘ldan ketishga qaror qilgan.
Fara Zeynep Abdullah va Janer Jindoruk
“Muhtasham yuz yil” va “Ko‘sem” serialining suratga olish jarayonida yana bir juftlik paydo bo‘lgan. Fara va Janer atrofdagilardan munosabatlarini yashirmagan. Serial tomoshabinlari ularning to‘yi bo‘lishi haqida orzu qilgan bir vaqtda ular bir-biriga to‘g‘ri kelmasligini tushunib yetgan.
Alperen Duymaz va Burju O‘zberk
Alperen Duymaz va Burju O‘zberk “Itoatsiz Qoratoy” filmining suratga olish jarayonida tanishgan. O‘rtasidagi tuyg‘ular uchquni paydo bo‘lganiga qaramay, mashhurlar oxirigacha bormagan. Munosabatlariga yakun yasagan.
Izoh (0)