Gollivud yulduzlari deganda, odatda, barchaning ko‘z oldiga g‘ururli insonlar keladi. Hattoki ana shunday mashhurlar bilan uchrashgan oddiy insonlar hikoyasiga ham ishonish qiyin.
Bu borada Twitter foydalanuvchilari o‘zlarining qarashlari bilan bo‘lishdi. Ma’lum bo‘lishicha, ularning aksariyati odobli, juda do‘stona insonlardir. Masalan, Marvel filmida Qora Pantera rolini ijro etgan Chedvik Bouzman o‘z muxlisining yoniga kelgan va suratga tushishni ham taklif etgan.
Taniqli aktyor Tom Xenks ham bir vatqlar xotdog sotuvchisining bulochkalari tugaganida u bilan birga do‘konga yugurgan edi. Shuningdek, o‘tib ketayotganlarga ham xotdog xarid qilishni tavsiya etgan.
“Jeff Goldblyum juda ajoyib inson. Biz festivalda uchrashib qolganmiz. Men uni taniganim uchun jilmaydim, u esa menga quchoqlarini ochgan. Hammasi zo‘r bo‘lgandi”, – deyilgan Twitter’da.
“Mening xonadoshim Los-Anjelesdagi restoranlarning birida menejer bo‘lib ishlagan. U yerda Garri Staylz tez-tez mehmon bo‘lib turardi. Restoran karantin uchun yopilganida Garri do‘stimga xabar yuborib, uning ahvoli haqida so‘ragan. U ajoyib yigit”.
Shuningdek, malika Diana bilan uchrashish baxtiga muyassar bo‘lganlar ham bor edi: “U safarda bo‘lgan vaqtda bizning shahar ham ro‘yxatda bo‘lgan. Biz uning qo‘l silkitishini kutayotgan edik, lekin malika Diana mashinani to‘xtatib, yonimizga kelgan”.
“Deniel Redkliff – taniqli odamlar ichida eng odobli shaxs. 2015-yilda bizning shaharda film suratga olingan. Aktyor ko‘p vaqtini suratga olish maydonchasida o‘tkazsa-da, ishdan so‘ng u doimo biz bilan suhbatlashish uchun vaqt topar edi”.
Mavzuga doir:
- Ashaddiy muxlislari ta’qibiga uchragan mashhurlar (foto)
- Juliya Roberts bo‘lishni orzu qilgan Emma Uotson, Jonni Deppni quchish orzusidagi Pink. Gollivud yulduzlarining kumirlari
- Britni Spirsning saqichi, Ledi Gaganing tirnog‘i. Muxlislar tomonidan qilingan eng ahmoqona xaridlar
- Gollivud aktyorlari qaysi Bollivud yulduzlari bilan bir kinoda rol ijro etishni orzu qiladi? (foto)
Izoh (0)