O‘zbekistonda koronavirusga chalingani rasman tan olinganlar soni 84 922 nafarga yetdi. Sog‘liqni saqlash vazirligi ma’lumotlariga ko‘ra, 10-aprel kuni mamlakatning 13 ta hududida jami 198 ta kasallanish holati aniqlangan. 9-aprel kuni 195 kishida, 8-aprel kuni esa 207 kishida kasallik tasdiqlanib, O‘zbekistonda koronavirusga chalinish bo‘yicha 2021-yilgi kunlik antirekord yangilangandi.
Yangi kasallanish holatlarining
- 7 nafari Qoraqalpog‘iston Respublikasida,
- 2 nafari Andijon viloyatida,
- 5 nafari Buxoro viloyatida,
- 1 nafari Jizzax viloyatida,
- 2 nafari Navoiy viloyatida,
- 1 nafari Namangan viloyatida,
- 20 nafari Samarqand viloyatida,
- 2 nafari Surxondaryo viloyatida,
- 3 nafari Sirdaryo viloyatida,
- 1 nafari Farg‘ona viloyatida,
- 2 nafari Xorazm viloyatida,
- 22 nafari Toshkent viloyatida,
- 130 nafari Toshkent shahrida koronavirusga chalingan bemorlar bilan muloqotda bo‘lgani sababli namuna olingan fuqarolar orasida aniqlangan.
Ayni paytda tibbiyot muassasalarida davolanayotgan 1528 nafar bemordan 229 nafari og‘ir, 104 nafari esa o‘ta og‘ir ahvolda ekani qayd etilgan.
O‘zbekistonda koronavirusga qarshi vaksina olganlar soni COVID-19’ga chalinganlar sonidan oshib ketdi — 11-aprel holatiga ko‘ra, emlangan fuqarolar soni 148 642 nafarga yetdi.
Izoh (0)