Prezidentning 2021-yil 9-apreldagi PQ-5066-sonli qaroriga muvofiq shu kunga qadar Qishloq xo‘jaligi vazirligi Strategik rivojlantirish va xalqaro hamkorlikni muvofiqlashtirish bosh boshqarmasi boshlig‘i lavozimida faoliyat ko‘rsatib kelayotgan O‘tkir Qodirov Davlat bojxona qo‘mitasi raisining o‘rinbosari lavozimiga tayinlandi. Bu haqda qo‘mita matbuot xizmati xabar berdi.
Ma’lumot uchun, O‘tkir Qodirov 1984-yilda Surxondaryo viloyatida tug‘ilgan. Jahon iqtisodiyoti va diplomatiya universiteti, O‘zbekiston strategik tahlil va istiqbolni belgilash oliy maktabini tugallagan.
O‘tkir Qodirov O‘zbekiston Tashqi ishlar vazirligi, O‘zbekiston Administratsiyasi, O‘zbekiston Prezidenti huzuridagi strategik va mintaqalararo tadqiqotlar instituti, O‘zbekiston Tashqi savdo vazirligida mas’ul lavozimlarda faoliyat yuritgan.
Bundan avval O‘zbekiston turizm va sport vazirligiga tayinlovlar amalga oshirilgani, O‘zbekiston sog‘liqni saqlash tizimida qator tayinlovlar amalga oshirilgani hamda O‘zbekiston qishloq xo‘jaligi vaziriga yangi o‘rinbosar tayinlangani haqida xabar berilgandi.
Izoh (0)