Ўзбекистонда коронавирусга чалингани расман тан олинганлар сони 84 922 нафарга етди. Соғлиқни сақлаш вазирлиги маълумотларига кўра, 10 апрель куни мамлакатнинг 13 та ҳудудида жами 198 та касалланиш ҳолати аниқланган. 9 апрель куни 195 кишида, 8 апрель куни эса 207 кишида касаллик тасдиқланиб, Ўзбекистонда коронавирусга чалиниш бўйича 2021 йилги кунлик антирекорд янгиланганди.
Янги касалланиш ҳолатларининг
- 7 нафари Қорақалпоғистон Республикасида,
- 2 нафари Андижон вилоятида,
- 5 нафари Бухоро вилоятида,
- 1 нафари Жиззах вилоятида,
- 2 нафари Навоий вилоятида,
- 1 нафари Наманган вилоятида,
- 20 нафари Самарқанд вилоятида,
- 2 нафари Сурхондарё вилоятида,
- 3 нафари Сирдарё вилоятида,
- 1 нафари Фарғона вилоятида,
- 2 нафари Хоразм вилоятида,
- 22 нафари Тошкент вилоятида,
- 130 нафари Тошкент шаҳрида коронавирусга чалинган беморлар билан мулоқотда бўлгани сабабли намуна олинган фуқаролар орасида аниқланган.
Айни пайтда тиббиёт муассасаларида даволанаётган 1528 нафар бемордан 229 нафари оғир, 104 нафари эса ўта оғир аҳволда экани қайд этилган.
Ўзбекистонда коронавирусга қарши вакцина олганлар сони COVID-19’га чалинганлар сонидан ошиб кетди — 11 апрель ҳолатига кўра, эмланган фуқаролар сони 148 642 нафарга етди.
Изоҳ (0)