Portugaliya terma jamoasi bosh murabbiyi Fernandu Santush JCh—2022 saralashi 2-turi doirasida o‘tkazilgan Serbiyaga qarshi o‘yindagi (2:2) bahsli holatga o‘z munosabatini bildirdi.
Men natijani tushuntirib berolmayman. Serb jamoasini yaxshi o‘rganib chiqdik. Biz ular bilan qanday o‘ynashni bilardik, buni birinchi bo‘limda namoyish ham etdik. Biz uchrashuv paytida ularning o‘zgarishi mumkinligini bilar edik va shunga moslashishimiz lozim edi. Serblar ikkinchi bo‘limni yaxshi boshladi va gol urdi. Shundan so‘ng raqib hisobni tenglashtirdi, ammo biz to‘xtab qolmadik va yana vaziyatlar yaratdik.Eslatib o‘tamiz, Serbiya — Portugaliya o‘yinining ikkinchi bo‘limga qo‘shib berilgan daqiqalarda Krishtianu Ronalduning zarbasi darvoza chizig‘ini kesib o‘tdi. Ammo uchrashuvni boshqarib borgan niderlandiyalik hakamlar golni inobatga olmadi. Ushbu bahsda VAR va golni aniqlash tizimidan foydalanilmadi.Agar Ronalduning goli hisoblanganida, adolatdan bo‘lar edi. Albatta, bu bizning yetarli darajada yaxshi o‘ynay olmaganimizni qoplay olmaydi. Ammo agar to‘p darvozaga kirdimi, demak u hisoblanishi kerak. O‘yin oxirida hakam nima bo‘lganini ko‘rdi va xatoga yo‘l qo‘ygani uchun yonimga kelib, uzr so‘radi.
Fernandu Santush, Portugaliya terma jamoasi bosh murabbiyi
Izoh (0)