Xorvatiya terma jamoasi JCh—2022 saralashi 2-turi doirasida Kiprni mag‘lubiyatga uchratdi (1:0).
Xorvatiya yarim himoyachisi Luka Modrich ushbu bahsda terma jamoadagi 135-o‘yinini o‘tkazdi va ushbu ko‘rsatkich bo‘yicha mamlakat rekordini o‘rnatdi.
Modrich bu borada sobiq himoyachi Dario Srnani ortda qoldirdi. Srnaning hisobida 134 uchrashuv bor. Ulardan keyingi o‘rinlarda Stipe Pletikosa (114 o‘yin), Ivan Rakitich (106), Yosip Shimunich (105), Ivitsa Olich (104) va Vedran Chorluka (103) kabi o‘yinchilar bormoqda.
35 yoshli Modrich Xorvatiya terma jamoasi safida 2006-yildan beri harakat qiladi. Shu vaqt mobaynida u 16 bor raqiblar darvozasini ishg‘ol qilgan.
Modrich “Real” safida 2020/21-yilgi mavsum La Ligada 27 o‘yin o‘tkazib, 3 ta gol va 3 ta golli uzatma muallifiga aylandi.
Mavzuga doir:
Izoh (0)