Namanganda 3 yoshli bola “Jiguli” urib ketishi oqibatida vafot etdi. Bu haqda viloyat IIB matbuot xizmati xabar berdi.
Qayd etilishicha, voqea 19-mart kuni soat 12:45 larda shaharning Q.Otamirzayev ko‘chasida yuz bergan. “Jiguli” (“VAZ-21011”)ni boshqarib ketayotgan haydovchi harakat xavfsizligini ta’minlay olmay, yo‘lni kesib o‘tayotgan 3 yoshli bolani urib yuborgan.
Bolakay olgan tan jarohatlari oqibatida 25-mart kuni shifoxonada vafot etgan.
Holat yuzasidan shahar IIO FMB huzuridagi tergov bo‘limi tomonidan Jinoyat kodeksining 266-moddasi 2-qismi (transport vositalari harakati yoki ulardan foydalanish xavfsizligi qoidalarini buzish odamlar o‘limiga sabab bo‘lishi) bilan jinoyat ishi qo‘zg‘atilgan.
Avvalroq Namanganda Isuzu yuk mashinasi piyodani urib yuborgani, jabrlanuvchi shifoxonada vafot etgani haqida xabar berilgan edi. Shuningdek, Qashqadaryoda to‘y kuni kuyovning otasi va ikki qarindoshi hamda kelinning xolasi YTHga uchrab, halok bo‘lgani, Toshkentda 60 yoshli ayol yuk mashinasi urib ketishi oqibatida halok bo‘lgani haqida ma’lum qilingandi.
Izoh (0)