Shimoliy Koreya rahbari Kim Chen In Pxenyanda katta qurilish haqida e’lon qildi va quruvchilardan 2021-yil 10 mingta zamonaviy ko‘p qavatli uyni qurib bitirishni talab qildi. Bu haqda Koreyaning davlat markaziy axborot agentligi KCNA xabar berdi, deb yozmoqda “Korrespondent.net”.
Kim Chen Inning ta’kidlashicha, Pxenyanning janubi-sharqidagi loyiha mamlakat poytaxtidagi uy-joy muammosini hal qiladi.
Mamlakat poytaxtida 10 mingta xonadon qurish rejasi partiyaning yanvar oyida bo‘lib o‘tgan sakkizinchi qurultoyida aytilgan edi, shuningdek, unda mamlakatning yangi besh yillik rejasi e’lon qilindi.
Bir oydan keyin qurilish sektori tomonidan materiallar va ishchi kuchi yetishmasligi aytilib, yangi uylarning maqsadli sonini kamaytirishga bo‘lgan urinishlarga qaramay, partiya plenumida Kim Chen In qurilish rejasini qayta ko‘tardi.
Hukmron partiya Pxenyanda yangi uylar qurishni “eng muhim vazifa” deb biladi va loyihaga “davlat budjetining katta qismi”ni ajratgan.
Avvalroq Shimoliy Koreya 21-mart kuni qanotli raketalarni sinovdan o‘tkazgani haqida xabar berildi. Xabarga ko‘ra, Sariq dengiz mintaqasidan ikkita raketa uchirilgan. Qo‘mita raketalarning uchirilishini real vaqt rejimida kuzatgan.
Shuningdek, Shimoliy Koreya yetakchisi Kim Chen In qo‘mondonlik tarkibini o‘zgartirdi va KXDR armiyasining harbiy dengiz kuchlari hamda harbiy havo kuchlariga yangi qo‘mondonlarni tayinladi.
Izoh (0)