Tilla qidirayotgan bolalar, 16-fevraldan beri “uxlamayotgan” Etna, qor bilan qoplangan Anqara. 24-mart suratlari
Yer yuzining turli burchaklarida 24-mart kuni kadrlarga muhrlangan voqealarni taqdim etamiz.
Dyusseldorfda nemis rassomi Klaus Rinkening “Zaytfeld” (Vaqt maydoni) badiiy installyatsiyasi mamlakatda soat mintaqasi o‘zgarishi oldidan namoyish etildi.Foto: Getty Images
Tailandning Bangkok shahrida demokratiya tarafdori hibsga olingan norozilik harakati yetakchilarini ozod etishni va qirolga hamda malikaga tuhmat qilgan, tahdid qilgan yoki ularni haqorat qilgan har kimni jinoiy javobgarlikka tortishni ko‘zda tutuvchi 112-sonli qonunni bekor qilishni talab qilmoqda.Foto: Reuters
Anqarada qor yog‘gandan so‘ng Go‘ksu bog‘ida bir bo‘lak nonni yeyayotgan g‘oz.Foto: Getty Images
Mika Kiy ismli ayol kelib chiqishi osiyolik bo‘lganlarga nisbatan zo‘ravonliklarga qarshi Kaliforniyaning Oklend shahrida bo‘lib o‘tgan namoyish vaqtida.Foto: Reuters
Turkiya poytaxti Anqara shahri 24-mart kuni qor bilan qoplandi. Bu yilning ushbu davriga nisbatan noodatiy holat hisoblanadi. Hatto to‘tiqushlar ham, aftidan, bundan xursand emas.Foto: Anadolu Agency
Tayvandagi Paper Windmills teatri badiiy namoyish uchun tomoshabinlarni foto-chaqiruv uslubida chorlayotgan vaqtda ot haykali ustida turgan odamlar.Foto: Getty Images
Bangladeshdagi Rohinja musulmonlari lagerida yuz bergan yong‘indan keyin kul orasidan qimmatbaho materiallar (misol uchun, tilla) izlayotgan bolalar. 22-mart kuni yuz bergan yong‘in oqibatida 15 kishi halok bo‘lgan, yuzlab odamlar bedarak yo‘qolgan.Foto: Reuters
San-Fransiskodagi xitoyliklar yashaydigan kvartalda patrul qiluvchilar uchun o‘z-o‘zini himoyalash bo‘yicha master-klass o‘tkazilmoqda. Yaqinda AQShning Jorjiya shtatidagi spa-salonlarga hujumdan so‘ng asosan osiyoliklar yashaydigan hududlarda politsiya nazorati kuchaytirildi.Foto: Getty Images
Gvatemalalik harbiy xizmatchilar La-Aurora aeroportining uchish-qo‘nish yo‘lagini Pakaya vulqoni kulidan tozalamoqda. Vulqon otilishi tufayli aeroport faoliyati to‘xtatib qo‘yilgan.Foto: AFP
Ispaniya taxti vorisi 15 yoshli malika Leonor birinchi marta ota-onasi hamrohligisiz rasmiy tadbirda ishtirok etdi. U Madriddagi Servantes instituti tashkil etilganining 30 yilligiga bag‘ishlangan tadbirga tashrif buyurdi.Foto: Wirelmage
Shanba kuni o‘tkaziladigan Dubai World Cup 2021 ot poygalariga tayyorgarlik ko‘rayotgan chavandoz.Foto: EPA
Hindistonning Uttar-Pradesh shtati shimolidagi Barsana shahrida Holi bayramida erkak ayolga rangli suvni sepmoqda.Foto: Shutterstock
Rio-de-Janeyrodagi Iso Masih haykali quyosh chiqayotgan vaqtda. Hozirda haykal restavratsiya qilinmoqda.Foto: AFP
Kolorado shtatining Boulder shahrida joylashgan King Soopers oziq-ovqat do‘konida sodir etilgan ommaviy otishmada halok bo‘lgan ofitser Erik Tellining mashinasiga gul qo‘yayotgan ayol.Foto: Reuters
Suvaysh kanalida konteynerlarni tashuvchi Ever Green kemasi sayozlikka chiqib qolib, ikkala tomondan ham harakatni to‘sib qo‘ydi. Yuzlab kemalar tirbandlikda qolib ketdi.Foto: Instagram / Julianne Cona
Amerikalik yozuvchi va illyustrator Jeff Kinni Las-Vegasdagi tur davomida ijtimoiy masofani saqlash uchun o‘z kitoblarini belkurak yordamida uzatmoqda.Foto: Getty Images
Avstraliyaning Yangi Janubiy Uels shtatida yuz bergan toshqindan keyin jarohatlangan holda topilib, yovvoyi tabiat uchun mo‘ljallangan ko‘chma shifoxonada parvarish qilinayotgan Avstraliya galasi deb ham ataladigan pushti va kulrang kakadu.Foto: Getty Images
uyg‘ongan Etna vulqoni otilib chiqishda davom etmoqda." data-action="zoom" class="border lazyload" />
Izoh (0)