Ruminiya mudofaa vaziri Nikolaye Chuke Facebook’dagi rasmiy sahifasida xushyorlikni yo‘qotib, maxfiy ma’lumotlarni o‘zi bilmagan holda oshkor qilib qo‘ydi.
“Mudofaa vaziri jiddiy xatoga yo‘l qo‘ydi”, — deya yozgan Mediafax agentligi.
“Mudofaa vaziri Nikolaye Chuke xushyorlikni yo‘qotdi”, — deya vaziyatga izoh bergan Digi 24 telekanali.
Vazirlik rahbari parlamentariylarning aksar qismi bilan Sibiudagi Nikolaye Belchesku nomidagi quruqlik qo‘shinlari akademiyasiga tashrif buyurgan. Vaziyat tasvriga olingan suratlardan birida vazir bir nechta telefon raqamlari va maxfiy parollar yozilgan doska oldida turganini ijtimoiy tarmoqqa yuklagan. Oradan bir necha soat o‘tgach vazirning Facebook’dagi sahifasi ma’murlari suratni o‘chirib tashlagan, biroq jurnalistlar bungacha skrinshotlar qilishga va fotosuratni boshqa ijtimoiy tarmoqlarda ham tarqatishga ulgurgan edi.
Keyinchalik Mudofaa vazirligi matbuot xizmati suratdagi jumlalar maxfiy axborot emasligi va ichki foydalanish uchun ishlatilishini ma’lum qildi. Fotosurat Mudofaa vazirligining shahar call-markazida olingan, doskadagi ma’lumotlar koronavirusga qarshi emlanadigan shaxslarni ro‘yxatdan o‘tkazadi (videokonferensiyaga kirish paroli, kompyuterni yoqish paroli, elektron pochta manzili, shuningdek, xodimlarning telefon raqamlari ko‘rinib qolgan).
Mudofaa vazirligi suratga olingan parollar hech kim tomonidan ishlatib ko‘rilmagani va oshkor bo‘lganidan keyin zudlik bilan boshqa maxfiy simvollarga almashtirilganini bildirdi. Bayonotga ko‘ra, mudofaa vaziri bu borada tegishli choralar ko‘rish haqida buyruq bergan.
Mavzuga doir: Germaniyada mahalliy hukumat organlari Microsoft’ning elektron pochta tizimidagi zaiflik sabab kiberhujumga uchradi
Izoh (0)