Шимолий Корея раҳбари Ким Чен Ин Пхеньянда катта қурилиш ҳақида эълон қилди ва қурувчилардан 2021 йил 10 мингта замонавий кўп қаватли уйни қуриб битиришни талаб қилди. Бу ҳақда Кореянинг давлат марказий ахборот агентлиги KCNA хабар берди, деб ёзмоқда «Korrespondent.net».
Ким Чен Иннинг таъкидлашича, Пхеньяннинг жануби-шарқидаги лойиҳа мамлакат пойтахтидаги уй-жой муаммосини ҳал қилади.
Мамлакат пойтахтида 10 мингта хонадон қуриш режаси партиянинг январь ойида бўлиб ўтган саккизинчи қурултойида айтилган эди, шунингдек, унда мамлакатнинг янги беш йиллик режаси эълон қилинди.
Бир ойдан кейин қурилиш сектори томонидан материаллар ва ишчи кучи етишмаслиги айтилиб, янги уйларнинг мақсадли сонини камайтиришга бўлган уринишларга қарамай, партия пленумида Ким Чен Ин қурилиш режасини қайта кўтарди.
Ҳукмрон партия Пхеньянда янги уйлар қуришни «энг муҳим вазифа» деб билади ва лойиҳага «давлат бюджетининг катта қисми»ни ажратган.
Аввалроқ Шимолий Корея 21 март куни қанотли ракеталарни синовдан ўтказгани ҳақида хабар берилди. Хабарга кўра, Сариқ денгиз минтақасидан иккита ракета учирилган. Қўмита ракеталарнинг учирилишини реал вақт режимида кузатган.
Шунингдек, Шимолий Корея етакчиси Ким Чен Ин қўмондонлик таркибини ўзгартирди ва КХДР армиясининг ҳарбий денгиз кучлари ҳамда ҳарбий ҳаво кучларига янги қўмондонларни тайинлади.
Изоҳ (0)