Ўзбекистонда 23 март ҳолатига кўра, коронавирус билан касалланганлар сони 81 678 кишига етди. Бу ҳақда ССВ матбуот хизмати хабар берди.
Ўтган бир сутка ичида мамлакатда яна 119 кишида COVID-19 тасдиқланган, уларнинг 93 нафари — Тошкент шаҳрида.
Қолган янги касалланиш ҳолатларининг
- 1 нафари Қорақалпоғистон Республикасида
- 1 нафари Андижон вилоятида
- 4 нафари Бухоро вилоятида
- 1 нафари Жиззах вилоятида
- 2 нафари Наманган вилоятида
- 1 нафари Самарқанд вилоятида
- 2 нафари Фарғона вилоятида
- 1 нафари Хоразм вилоятида
Шунингдек, ўтган бир сутка ичида 1 нафар коронавирусга чалинган бемор вафот этиб, касалликдан вафот этганлар сони 623 нафарга етган.
Бундан ташқари, Тошкент шаҳрида 76 нафар, Тошкент вилоятида 12 нафар бемор соғайган бўлиб, ҳозирга қадар республика бўйлаб коронавирусдан тузалганлар сони 80 045 кишини ташкил этмоқда (98 фоиз).
Айни пайтда тиббиёт муассасаларида даволанаётган 1010 нафар бемордан 191 нафари оғир, 85 нафари эса ўта оғир аҳволда.
Эслатиб ўтамиз, Соғлиқни сақлаш вазирлиги Ўзбекистонда касаллик асоратлари оқибатида вафот этганлар ҳақида сўнгги бор 2021 йилнинг 10 февралида хабар берган. 23 март ҳолатига кўра тақдим этилган статистикада вафот этгани айтилаётган фуқаронинг шахсига оид маълумотлар берилмаган.
Аввалроқ Санитария-эпидемиологик осойишталик ва жамоат саломатлиги маркази Тошкент шаҳар бошқармаси бошлиғи Малика Қудратхўжаева Зангиотадаги шифохонада коронавирус инфекцияси ташхиси билан ётқизилган бемор 7 март куни вафот этганини маълум қилганди. Соғлиқни сақлаш вазирлигининг сўнгги статистика маълумотларда айнан ушбу ўлим ҳолати келтирилган бўлиши мумкин.
Изоҳ (0)