“Barselona” hujumchisi Lionel Messi La Liga 28-turi doirasida “Real Sosyedad”ga qarshi kechgan 21-mart kungi o‘yinda (6:1) dubl muallifiga aylandi.
Messi mazkur o‘yinda faoliyatidagi 700-golni urdi. Ularning 663 tasi rasmiy o‘yinlarda qayd etilgan bo‘lsa, 37 ta gol norasmiy uchrashuvlarda urilgan.
Hujumchi Ispaniya chempionatidagi 467-golini urdi. Bu orqali argentinalik futbolchi bir chempionat doirasidagi gollar soni bo‘yicha afsonaviy Pelening rekordini takrorladi. Pele ham Braziliya chempionatida 467 ta gol muallifiga aylangandi.
Shuningdek, Messi bu borada Yevropa top-5 ligalari tarixida mutlaq rekordchiga aylandi. Top-5 ligalarda quyidagi futbolchilar barcha davrlarning eng yaxshi to‘purari hisoblanadi: Jimmi Grivz (Angliya, 357 gol), Gerd Myuller (Germaniya, 365), Silvio Piola (Italiya, 274), Delio Onnis (Fransiya, 299).Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)