Yengil vazn toifasida UFC sobiq chempioni Habib Nurmagomedovning amakivachchasi Umar Nurmagomedov (13-0) UFC 260 musobaqasida jang qilmaydigan bo‘ldi.
“Umar bu musobaqada qatnashmaydi. Raqib topa olmadik”, — deya Nurmagomedovning vakili so‘zlarini keltirmoqda TASS.
Umar Nurmagomedovning jangi 27-mart kuni bo‘lib o‘tishi rejalashtirilgandi. UFC 260 anderkardida Habibning yana bir amakivachchasi Abubakar Nurmagomedov (15-3-1) oktagonga chiqadi. U Jared Gudenga (17-5) qarshi jang qiladi.
Eslatib o‘tamiz, 25 yoshli Umar yanvar oyida UFC’dagi debyut jangini o‘tkazgan va unda qozog‘istonlik Sergey Morozovni ikkinchi raundda bo‘g‘ish usuli bilan taslim etgandi.
UFC 260 musobaqasining asosiy jangi og‘ir vazn toifasi chempioni Stipe Miochich (20-3) va divizion yetakchilaridan biri Frensis Ngannu (15-3) o‘rtasida kechadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)