Toshkentning “Lokomotiv” klubi sobiq ustozi Andrey Fyodorov “Lokomotiv-Kazanka” bom murabbiyga aylandi.
Endilikda o‘zbekistonlik mutaxassis “Lokomotiv”ning farm-klubi hisoblangan “Kazanka”ni boshqaradi. Bu haqda “temiryo‘lchilar” matbuot xizmati ma’lum qildi.
Fyodorov ushbu lavozimda Ilshat Fayzullinning o‘rnini egallaydi. Avvalroq Fyodorov jamoada seleksioner murabbiy sifatida ishlayotgandi.
“Kazanka” ayni vaqtda Rossiyaning uchinchi divizioni hisoblangan PFLda harakat qiladi. 16-turdan keyin jamoa 16 jamoadan iborat guruhda 8-o‘rinda bormoqda.
Andrey Fyodorov — 1971-yilning 10-aprelida Marg‘ilon shahrida tug‘ilgan. Futbolchilik faoliyati mobaynida “Qo‘qon-1912” (sobiq “Avtomobilchi”), “Neftchi”, “Alaniya”, “Baltika” va “Rubin” klublarida to‘p surgan. Shuningdek, 1994—2006-yillar davomida O‘zbekiston terma jamoasida harakat qilgan.
Murabbiylik faoliyati davrida “Rubin”, “Neftchi” va “Lokomotiv Toshkent”da ishlagan. Uning qo‘l ostidagi “Lokomotiv” 2018-yilda O‘zbekiston chempionatida g‘olib bo‘lgan va 2019-yilda mamlakat Superkubogini qo‘lga kiritgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)