Shveysariyaning Nyon shahrida Yevropa Chempionlar Ligasi chorak va yarim final bosqichlariga qur’a tashlandi.
Unga ko‘ra chorak final bosqichida amaldagi finalchilar “Bavariya” va PSJ klublari o‘zaro to‘qnash keladi.
“Real” esa “Liverpul” bilan kurash olib boradi. “Chelsi” “Portu”ga qarshi saf tortsa, “Manchester Siti” “Borussiya D” bilan kuch sinashadi.
Yarim finalda “Bavariya” / PSJ juftligi g‘olibi “Manchester Siti” — “Borussiya D” o‘yinida g‘alaba qozongan jamoa bilan to‘qnash keladi. “Real” / “Liverpul” juftligi g‘olibi esa “Portu” — “Chelsi” o‘yinidagi g‘olibga qarshi maydonga chiqadi.
Chempionlar Ligasi
1/4 final bahslari6—7-aprel
“Real” — “Liverpul”
“Bavariya” — PSJ
“Manchester Siti” — “Borussiya D”
“Portu” — “Chelsi”
Yarim finalning dastlabki uchrashuvlari 27—28 -aprel, javob bellashuvlari 4—5-mayga belgilangan. Musobaqaning final o‘yini 29-may kuni Istanbulda (Turkiya) bo‘lib o‘tadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)