Futbol bo‘yicha Yevropa Ligasining 1/8 final bosqichining javob uchrashuvida “Tottenhem” 18-mart, payshanba kuni “Dinamo Z” maydoniga safar qildi.
Bellashuvda Joze Mourinyo shogirdlari yirik hisobda mag‘lubiyatga uchradi. Mezbonlar yarim himoyachisi Mislav Orshich uchrashuvning asosiy vaqtida (62 va 83-daqiqalarda) “shporlar” darvozasini ikki marta ishg‘ol etdi. Ikki o‘yin natijasiga ko‘ra hisob 2:2 ko‘rinishini oldi va shundan so‘ng jamoalar qo‘shimcha taymlarga murojaat qildi.
106-daqiqada Orshich yana bir bor gol urib, het-trikni rasmiylashtirdi va “Tottenhem”ni musobaqadan chiqarib yubordi. Shu tariqa Mourinyo shogirdlari Yevropa Ligasidagi ishtirokini 1/8 final bosqichida yakunlaydigan bo‘ldi.
Yevropa Ligasi
1/8 final, javob bahsi18-mart, payshanba
“Dinamo Z” Xorvatiya – “Tottenhem” Angliya 3:0
Gollar: 1:0 – 62 Orshich, 2:0 – 83 Orshich, 3:0 – 106 Orshich.“Dinamo Z”: Livakovich, Teofil-Katrin, Ristovski (Stoyanovich, 90), Lauritsen, Franich (Leovas, 81), Ademi (Perich, 118), Yakich (Atyemven, 75), Ivanushes, Mayer (Gavranovich, 81), Orshich, Petkovich (Mishich, 90).
“Tottenhem”: Lyoris, Devis (Regilon, 90), Orye (Bergveyn, 108), Sanches, Dayer, Sissoko, Uinks (Ndombele, 68), Lamela (Beyl, 60), Alli (Lo Chelso, 68), Lukas Moura (Vinisius, 85), Keyn.
Ogohlantirishlar: Lamela (22), Yakich (32), Lauritsen (79), Stoyanovich (92).
Birinchi o‘yin — 0:2.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)