Швейцариянинг Ньон шаҳрида Европа Чемпионлар Лигаси чорак ва ярим финал босқичларига қуръа ташланди.
Унга кўра чорак финал босқичида амалдаги финалчилар «Бавария» ва ПСЖ клублари ўзаро тўқнаш келади.
«Реал» эса «Ливерпуль» билан кураш олиб боради. «Челси» «Порту»га қарши саф тортса, «Манчестер Сити» «Боруссия Д» билан куч синашади.
Ярим финалда «Бавария» / ПСЖ жуфтлиги ғолиби «Манчестер Сити» — «Боруссия Д» ўйинида ғалаба қозонган жамоа билан тўқнаш келади. «Реал» / «Ливерпуль» жуфтлиги ғолиби эса «Порту» — «Челси» ўйинидаги ғолибга қарши майдонга чиқади.
Чемпионлар Лигаси
1/4 финал баҳслари6—7 апрель
«Реал» — «Ливерпуль»
«Бавария» — ПСЖ
«Манчестер Сити» — «Боруссия Д»
«Порту» — «Челси»
Ярим финалнинг дастлабки учрашувлари 27—28 апрель, жавоб беллашувлари 4—5 майга белгиланган. Мусобақанинг финал ўйини 29 май куни Истанбулда (Туркия) бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)