2021-yilning fevral oyi dunyoda 2014-yildan beri kuzatilgan eng sovuq davr bo‘ldi. Lekin 2021-yilning qish fasli tarix davomida kuzatilgan eng issiq o‘ntalikdan ham joy oldi. Bu haqda AQShning Milliy okean va atmosfera tadqiqotlari boshqarmasiga tayanib “Korrespondent.net” xabar berdi.
Olimlarning so‘zlariga ko‘ra, Tinch okeanining tropik suvlarida La-Ninya (bu yerusti suvlari haroratining iqlim normasidan pastroq bo‘lishiga ta’sir qiladigan shamol) tufayli 2021-yil fevral oyi sayyoramizda so‘nggi 7 yil ichidagi eng sovuq oy bo‘ldi.
Shuningdek, joriy qish mavsumi (dekabr—fevral) dunyoda kuzatilgan issiq qishlar bo‘yicha o‘ntalikning sakkizinchi o‘rnini band qildi.
Masalan, Shimoliy yarim sharda 142 yil ichidagi sakkizinchi eng issiq qish bo‘lib o‘tdi.
Fevral oyida o‘rtacha quruqlik va okean sathining harorati 0,65 selsiy bo‘ldi — bu XX asr davomida o‘rtachadan yuqori bo‘lgan ko‘rsatkich. Natijada bu oy dunyodagi eng issiq fevral oylarining biriga aylandi, lekin shu bilan birga, 2014-yildan beri kuzatilgan eng sovuqlaridan biri sifatida ham e’tirof etildi.
Mavzuga doir:
Izoh (0)