AQShning markaziy qismida kuchli qor bo‘roni sodir bo‘ldi. Bu haqda Fox News xabar berdi.
Yog‘ingarchilik mahalliy vaqt bilan 14-mart, yakshanba kuni ertalab boshlandi. Ayni paytda markaziy shtatlarni qor, do‘l va yomg‘ir shaklidagi bo‘ron qoplab olgan. Janubiy Missuri, Kanzas va Nebraskada bo‘ron oqibatida toshqinlar kelib chiqqan.
Kolorado, Vayoming va Janubiy Dakotada ham kuchli qor va yomg‘ir yog‘di. Shu bilan birga, mamlakatning shimoli-sharqidagi ba’zi shtatlarda yog‘ingarchilik miqdori taxminan 70 santimetrni tashkil qildi. Koloradoda noqulay ob-havo tufayli ikki mingdan ortiq aviareys bekor qilindi.
Sinoptiklarning fikriga ko‘ra, yomon ob-havo sharq tomonga siljiydi. Seshanbadan chorshanbagacha Qo‘shma Shtatlarning janubida tornado va do‘l avj olishi kutilmoqda.
Eslatib o‘tamiz, 15-fevral kuni AQShning 24 ta shahrida havo harorati rekord darajada pasaygan. Texasda milliondan ortiq aholi sovuq havo va bo‘ron sababli chiroqsiz qolgan.
Avvalroq Jo Bayden Texasni tabiiy ofat hududi deb e’lon qilgani hamda shtatda sovuqdan vafot etgan bolaning oilasi sudga 100 mln dollarlik da’vo kiritgani haqida xabar berilgandi.
Izoh (0)