Prezident tomonidan yaratib berilgan “mahallabay” ishlash tizimi tarkibida “bank agenti” xizmati tashkil etildi. Bunda bank mahalliy hokimiyat bilan kelishgan holda, shartnoma asosida har bir mahallaga mas’ul bank agenti tayinlanadi.
Agentlar joylardagi mehnatga layoqatli, mahallani biladigan hamda yoshlarni o‘z ortidan ergashtira oladigan, ijtimoiy faol yoshlar ichidan tanlab olinadi va ular maxsus o‘quv-tayyorlov bosqichidan o‘tkaziladi.
Agentlar mahallalarda:
- ish bilan band bo‘lmagan o‘z tengqurlariga tadbirkorlik qilish bo‘yicha tushunchalar beradi;
- bank bilan hamkorlikda tayyor va namunaviy loyihalarni yoshlar ichida targ‘ib qiladi;
- uy sharoitida o‘zini oqlagan biznes loyihalarni ommalashtiradi;
- mavjud bo‘lgan biznes loyihalarning amalga oshirilishida va moliyalashtirilishida ko‘maklashadi;
- uyushmagan yoshlarni birlashtirgan holda kooperatsiyalarni tashkil etib, to‘lov intizomi, hamkorlik munosabatlari va ijtimoiy mas’uliyat kabi tushunchalarni shakllantiradi.
Agentlar bank bilan shartnoma asosida ishlaydi va u bank xodimi hisoblanmaydi.
Bank agenti bo‘lish uchun:
- oliy ma’lumotli bo‘lish talab etilmaydi;
- ish staji so‘ralmaydi;
- 18 yoshdan katta bo‘lishning o‘zi yetadi.
Buning uchun 2021-yil davomida yoshlarga o‘z biznesini tashkil etishi uchun 1,4 trillion so‘m imtiyozli kreditlar ajratish rejasi belgilab olindi. Ularning manbalari ham aniq. Misol tariqasida aytadigan bo‘lsak, joriy yilning o‘tgan davrida 2 mingga yaqin yoshlarga 55,6 milliard so‘mdan ortiq imtiyozli kreditlar ajratildi.
Agentlar butun respublika bo‘ylab tanlab olinadi. Kunlik ma’lumotlar bankning ijtimoiy tarmoqdagi rasmiy sahifalari orqali berib boriladi. Bank agentlarini saralash boshlangan bo‘lib, batafsil ma’lumotlar “Mikrokreditbank”ning ijtimoiy tarmoqdagi sahifalari orqali berib boriladi.
Reklama huquqi asosida.
Izoh (0)