Президент томонидан яратиб берилган «маҳаллабай» ишлаш тизими таркибида «банк агенти» хизмати ташкил этилди. Бунда банк маҳаллий ҳокимият билан келишган ҳолда, шартнома асосида ҳар бир маҳаллага масъул банк агенти тайинланади.
Агентлар жойлардаги меҳнатга лаёқатли, маҳаллани биладиган ҳамда ёшларни ўз ортидан эргаштира оладиган, ижтимоий фаол ёшлар ичидан танлаб олинади ва улар махсус ўқув-тайёрлов босқичидан ўтказилади.
Агентлар маҳаллаларда:
- иш билан банд бўлмаган ўз тенгқурларига тадбиркорлик қилиш бўйича тушунчалар беради;
- банк билан ҳамкорликда тайёр ва намунавий лойиҳаларни ёшлар ичида тарғиб қилади;
- уй шароитида ўзини оқлаган бизнес лойиҳаларни оммалаштиради;
- мавжуд бўлган бизнес лойиҳаларнинг амалга оширилишида ва молиялаштирилишида кўмаклашади;
- уюшмаган ёшларни бирлаштирган ҳолда кооперацияларни ташкил этиб, тўлов интизоми, ҳамкорлик муносабатлари ва ижтимоий масъулият каби тушунчаларни шакллантиради.
Агентлар банк билан шартнома асосида ишлайди ва у банк ходими ҳисобланмайди.
Банк агенти бўлиш учун:
- олий маълумотли бўлиш талаб этилмайди;
- иш стажи сўралмайди;
- 18 ёшдан катта бўлишнинг ўзи етади.
Бунинг учун 2021 йил давомида ёшларга ўз бизнесини ташкил этиши учун 1,4 триллион сўм имтиёзли кредитлар ажратиш режаси белгилаб олинди. Уларнинг манбалари ҳам аниқ. Мисол тариқасида айтадиган бўлсак, жорий йилнинг ўтган даврида 2 мингга яқин ёшларга 55,6 миллиард сўмдан ортиқ имтиёзли кредитлар ажратилди.
Агентлар бутун республика бўйлаб танлаб олинади. Кунлик маълумотлар банкнинг ижтимоий тармоқдаги расмий саҳифалари орқали бериб борилади. Банк агентларини саралаш бошланган бўлиб, батафсил маълумотлар «Микрокредитбанк»нинг ижтимоий тармоқдаги саҳифалари орқали бериб борилади.
Реклама ҳуқуқи асосида.