O‘zbekiston maktablarida bahorgi ta’til 20-martdan boshlanadi

O‘zbekiston maktablarida bahorgi ta’til 20-martdan boshlanadi. Bu haqda Xalq ta’limi vazirligi matbuot xizmati xabar berdi.

O‘zbekiston Prezidentining 2020-yil 3-dekabrdagi “2021-yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida”gi farmoniga muvofiq 20-mart — shanba kuni barcha xodimlar uchun ish haftasining turidan qat’i nazar, dam olish kuni hisoblanadi.

“Shu munosabat bilan 2021-yil 20-mart 2020/2021-o‘quv yili bahorgi ta’tilining birinchi kuni hisoblanadi. Bahorgi ta’til 20-martdan 28-martgacha davom etadi. 2021-yil 29-martdan o‘quv yilining 4-choragi boshlanadi”, — deyiladi xabarda.

Ma’lum qilinishicha, 2021-yil 20-mart kuni yuqori sinflarga belgilangan dars soatlari 4-chorakda tig‘izlashgan holda o‘tkaziladi.

Eslatib o‘tamiz, O‘zbekistonda 2021-yilgi Navro‘z bayramida ish haftasining davomiyligidan qat’i nazar, barcha xodimlar ketma-ket 3 kun dam oladi.