Cubot kompaniyasi o‘zining KingKong seriyasiga kiruvchi “o‘lmaydigan” yangi smartfoni — KingKong 5 Pro sotuvga chiqqanini ma’lum qildi, deb xabar beradi IXBT.
Ma’lumotlarga ko‘ra, smartfonning o‘ziga xos jihatlaridan biri sig‘imi 8000 mA/soatga teng akkumulyatori bo‘lib, uning yordamida qurilma oddiy rejimda 3—4 kun ishlay oladi.
Bundan tashqari, KingKong 5 Pro hozirga qadar zamonaviy smartfonlarda tez-tez ko‘zga tashlanmaydigan stereodinamiklar bilan jihozlangan (himoyalangan modellar haqida gapirmasa ham bo‘ladi). Ixtirochilar KingKong 5 Pro kompaniyaning bundan oldingi qurilmasidan yaxshiroq ovoz chiqarishini va’da qilmoqda.
Smartfon IP68 va IP69K himoya darajasiga, shuningdek, Amerikaning MIL-STD-810G harbiy standartiga javob beradi. U 1,5 metr balandlikda qattiq yuzaga tushib ketishga bardoshli. Smartfon 4 gigabayt tezkor va 64 gigabayt ichki xotira bilan jihozlangan.
Qurilmaning asosiy kamerasi 48 megapikselli Sony datchigi, frontal kamerasi — 25 megapiksell. Smarton Android 11 operatsion tizimi boshqaruvi ostida ishlaydi.
Cubot KingKong 5 Pro savdolari 19-mart kuni boshlanadi.
Avvalroq dunyodagi birinchi “o‘lmaydigan” smartfonning tungi suratga olish rejimi iPhone 12 va Xiaomi Mi 10 Ultra’niki bilan taqqoslangan edi.
Izoh (0)