Ulefone kompaniyasi iPhone 12, Xiaomi Mi 10 Ultra va Ulefone Armor 11 5G kameralarining tungi suratga olishdagi imkoniyati sinab ko‘rilgan videorolikni e’lon qildi, deb xabar beradi IXBT.

Foto: IXBT

Ulefone Armor 11 5G beshta tasvir datchigiga ega bo‘lgan, jumladan, ular orasida 48 megapikselli Sony IMX582 ham bor. Shuningdek, u tunda suratga olish uchun mo‘ljallangan 20 megapikselli hamda 16 megapikselli frontal kamera bilan jihozlangan.

iPhone 12 va Xiaomi Mi 10 Ultra’larning tungi rejimi ishga tushirilgan taqdirda ham yetarli darajada aniq tasvirlar olinmaydi, shu bilan birga suratga olish jarayoni ham uzoq. Ulefone Armor 11 5G’ning tungi suratga olish kamerasi esa tezkor va olingan tasvir ham tiniq. Armor 11 5G tungi suratga olish rejimi orqali suratni oq-qora rejimda, tiniqlikni yo‘qolmagan holda oladi. Shuningdek, u tungi surat va videoga olish rejimida 2 karra zumni qo‘llab-quvvatlaydi.

Ulefone Armor 11 5G bir kristalli MediaTek Dimensity 800 5G tizimida ishlaydi. Unga 6,1 dyuymli ekran, 8 GB tezkor va 256 GB ichki xotira o‘rnatilgan. Smartfon beshinchi avlod aloqa tarmog‘ini qo‘llab-quvvatlaydi. Sig‘imi 5200 mA/soatga teng akkumulyatori 10 vattli tezkor quvvatlanish funksiyasiga ega, smartfon Android 10 operatsion tizimida boshqariladi.

Shuningdek, unda NFC va Google Play ishlaydi, daktiloskopik datchik va yuzni tanish skaneri bor. Smartfon IP68/IP69K darajasi bilan himoyalangan va Amerikaning MIL-STD0810G harbiy standarti talablariga javob beradi.

Avvalroq yangi Huawei Mate 40 Pro+ smartfonining kamerasi Galaxy Note20 Ultra va iPhone 11 Pro Max’niki bilan o‘zaro taqqoslangani to‘g‘risida xabar berilgandi.