Asus kompaniyasi Qualcomm Snapdragon 888 protsessori va juda tez ishlaydigan displeyga ega ROG Phone 5 smartfonini taqdim etdi, deb xabar beradi Hi-Tech.Mail.ru.
Birinchi ROG Phone’ni yaratishda ixtirochilar unga nafaqat mashhur chipni o‘rnatish, korpusni qoraga bo‘yab, “Geymerlar uchun” degan yorliqni yopishtirishni istagan. Smartfonni geymerlar uchun maksimal darajada qulay qilish maqsadi ham bo‘lgan. Keyingi ROG Phone 2 va Phone 3 modellari tezkor displey, kuchli ovoz va sig‘imi 6000 mA/soatga teng batareya bilan jihozlangan. Asus’ning ta’kidlashicha, ular shunchaki yangilanish bo‘lgan, ROG Phone 5 esa haqiqiy yangi apparat hisoblanadi. Modellar nomidagi “to‘rt” qayerga yo‘qoldi? Xitoyliklar uchun omadsiz bo‘lgan raqam tashlab ketilgan.
ROG Phone 5 dizayni o‘zidan oldingi modelga o‘xshaydi, biroq bu safar muhandislar yapon animelaridan, xususan, Akira’dan ilhomlangan. Sotuvga ikki xil rangda chiqadi — oq va qora, har birining orqasida nuqtali RGB Dot Matrix yoritish tizimi mavjud. Endilikda ular ko‘proq effektlarni namoyish etishi mumkin va chiroyli gradiyent uchun ikki xil rangni bir vaqtning o‘zida yoqa oladi. Anime Matrix kabi yoritish tizimini ROG Zephyrus G14 noutbugida ham uchratish mumkin, ROG gadjetlarining izchilligi darhol ko‘zga tashlanadi.
ROG Phone 5 yangi Qualcomm Snapdragon 888 protsessorida ishlaydi, uning samaradorligi ROG Phone 3’ga o‘rnatilgan Snapdragon 865 Plus’dan 25 foizga yuqori. Shuningdek, uni 16 gigabaytli LPDDR5 tezkor xotirasi va 128/256 gigabayt — ichki UFS 3.1 xotirasi to‘ldirib turadi. Bundan ham kattaroq tezkor xotiraga ega versiyalari ham bo‘ladi. Qurilma Wi-Fi 6E va 5G Sub6 tarmog‘ini qo‘llab-quvvatlaydi.
Asus o‘zining yangi qurilmasiga X-Mode va X-Mode+ rejimlarini ham qo‘shgan, buning yordamida protsessor maksimal ishlaydi: CPU va GPU chastotalari ham, displey va sensor ham maksimumga chiqadi. Rejimlar faqatgina smartfonga AroAvtive Cooler 5 kuleri ulanganida ishga tushadi. Protsessor endilikda uning qoq ostida — smartfon markazida joylashgan va u CPU haroratini 10 darajaga, korpusnikini esa 15 darajaga tushiradi. Bug‘lantiruvchi 3D kamera ham sovutishga yordam beradi.
Sozlamalardan eng chuqur darajada shug‘ullanishni istagan foydalanuvchilarga ROG jamoasi Hardcore Tuning opsiyasini taqdim etadi. Biroq maxsus overkloking bilimlarisiz undan foydalanmagan ma’qul.
Natija — ROG Phone 5 AnTuTu benchmarkida yangi rekord o‘rnatdi: u Xiaomi, Samsung va hatto IQOO7 flagmanlarini ortda qoldirib, 742 776 ball to‘plagan. Ganshin Impact kabi “og‘ir” o‘yinlarda u rekord darajdagi 55 FPS’ni namoyon etadi, shu bilan birga, chetlari qo‘lni kuydirmaydigan darajada qiziydi. Yuqori FPS o‘yin bir soat davom etganidan keyin ham barqaror bo‘lib qoladi.
Displey borasida ham ROG Phone 5 oldingi avloga nisbatan yangilangan. Asosiy farqi — javob qaytarish vaqti: ushlanib qolish — 24,3 millisoniya. Ko‘z bilan ilg‘ab bo‘lmas ko‘rsatkich, biroq o‘yin vaqtida foydalanuvchining signali ekrandan tepkiga tez boradi va u raqibidan ko‘ra tezroq otishi mumkin. Bir xil reaksiyalari ikki o‘yinchi duelida ROG Phone 5 egasi g‘olib bo‘ladi.
Umuman olganda displey — top sinfga kiradi. Unga Samsung tomonidan ishlab chiqarilgan 6,78 dyuymli eksklyuziv Super AMOLED matritsa o‘rnatilgan, tasvirning yangilanish chastotasi 144 gerts, HDR10+ funksiyasini qo‘llab-quvvatlaydi, sensor 300 gerts chastotada ham ishlay oladi — yangi rekord. Matritsa so‘nggi avlod Gorilla Glass Victus shishasi bilan himoyalangan. Asus past yoritishda ham pirpirashlarning oldini olish uchun DC Dimming opsiyasini qo‘shgan.
Ovoz tizimiga ham alohida e’tibor qaratilgan. Birinchidan, “adashgan o‘g‘il” qaytgan — 3,5 millimetrli audiorazyom. U ROG Phone 3’ga o‘rnatilmagan edi, aftidan, xaridorlar uni yana so‘rashgan ko‘rinadi. Ikkinchidan, alohida raqamli-analogli o‘zgartiruvchi o‘rnatilgan va Hi-Res Audio’ni qo‘llab-quvvatlaydi. Uchinchidan, tashqi dinamiklar o‘lchami oldingidek qolgan, biroq ularning chiqish quvvati 21 foizga oshgan. Hatto ROG Phone 3 dinamiklari ham kuchli edi, endi esa yanada yaxshiroq bo‘lishi kerak. Bu bilvosita 79 ball bo‘lib, DxOMark audio-reytingida birinchi o‘rin demak.
Batareya sig‘imi oldingidek qolgan — 6000 mA/soat. Biroq ROG Phone 3 sekin quvvatlanar edi: 30 vattli adapterdan 2,5 soat. Bu safar esa ancha qiziqarli: 65 vattli HyperCharge 51 daqiqa ichida 100 foizga quvvatlantiradi. Flagmanlarga xos tezlik. Kabel o‘yin vaqtida xalaqit qilmasligi uchun USB-C porti yon tomonga joylashtirilgan. Quvvatlantirgich smartfon jamlanmasidan o‘rin oladi.
Akkumulyator har biri 3000 mA/soatga teng ikkita batareyaga ajratilgan bo‘lib, ular protsessorning yon tomonlarida joylashgan. Bu quvvatlantirish vaqtida qizishni sezilarli darajada kamaytirishga xizmat qiladi: agarda ROG Phone 3 modeli 40 darajagacha qizigan bo‘lsa, ROG Phone 5’da ushbu ko‘rsatkich 27 darajani tashkil etadi. Asus testiga ko‘ra, quvvat CoD: Mobile’da 6,4 soatga, Genshin Impact’da esa 2,88 soatga yetadi.
Asus smartfon bilan birga o‘yin aksessuarlari lineykasini ham taqdim etgan: ROG Kunai 3 geympadi, PS4 va Xbox One geympadi uchun ROG Clip qotirgichi, shuningdek, himoya g‘iloflari. ROG Phone’larning yangi va o‘tgan yilgi aksessuarlarini bir-biriga qanchalik mos kelishi quyidagi jadvalda keltirib o‘tilgan:
Taqdimotda smartfonlar kamerasiga kam e’tibor qaratilgan, bu geymerlar uchun mo‘ljallangan smartfonlarning asosiy o‘ziga xos jihati emas. Jamlanma oldingidek: Sony IMX686 sensoriga ega 64 megapikselli asosiy va optik barqarorlashtirgichsiz, 13 megapikselli ultra keng burchak va 5 megapikselli makroobyektiv.
Modellar va narxlar
Asus ROG Phone 5 mart oyida sotuvga chiqadi:
- ROG Phone 5 8/128 GB — 950 dollar;
- ROG Phone 5 12/256 GB — 1071 dollar;
- ROG Phone 5 16/256 GB — 1193 dollar.
ROG’ning haqiqiy ishqibozlari uchun yangilik mayda sotuvga chiqadi — 18 gigabayt tezkor xotiraga ega ROG Phone 5 Ultimate. Bu kabi ko‘rsatkich aksariyat noutbuklarda ham yo‘q. Uning dizayni monoxrom uslubda ishlangan, orqa paneliga ikkita sensor yashiringan.
ROG Phone 5 Ultimate ulkan qutida sotuvga chiqadi. Ichidan — ROG-fanatlari uchun jamlanma: kepka, sochiq, niqob, kuler va boshqa aksessuarlar o‘rin oladi. 18/512 gigabaytli versiyani 1299 yevroaga xarid qilish mumkin bo‘ladi.
Izoh (0)