Oppo’ning inson ko‘zi ilg‘ay olmaydigan detallarni suratga olishga qodir mikroskop-kamerasi qanday ishlaydi?

Oppo kompaniyasining yangi Find X3 Pro flagmanida mikroskop deb ataluvchi yangi kamera moduli paydo bo‘ldi, deb yozadi Hi-Tech.Mail.ru.

Smartfonga asosiy, keng burchakli va telefoto kameralardan tashqari, qo‘shimcha mikroskop moduli ham o‘rnatilgan — u 3 megapikselli va 60 karra yaqinlashtirish imkoniyatiga ega kamera.

Ma’lum bo‘lishicha, mikroskop-kamera yordamida rostdan ham inson ko‘zi ilg‘amaydigan juda mayda detallarni suratga olish mumkin. Masalan, ekrandagi piksellar to‘rini yoki kiyimdagi matoning tolasini suratga olsa bo‘ladi.

Quyidagi suratlarning barchasi mazkur smartfon yordamida olingan:

Qolgan jihatlari bo‘yicha Oppo Find X3 Pro — Snapdragon 888 protsessori, katta AMOLED-displey (Full HD+, 120 gertsli), tezkor quvvatlanish, IP68 standarti bo‘yicha himoyaga ega zamonaviy standart flagman hisbolanadi.

Smartfon Yevropada 1500 dollar qiymatida sotuvga chiqqan.

Avvalroq Oppo X 2021 “rulon-smartfoni” yangi “jonli” kadrlarda namoyish etilgan edi.