Xitoyning Xiaomi kompaniyasi avvalgi avlod flagmanlar lineykasini yangi model — Mi 10S smartfoni bilan boyitdi, deb xabar beradi Hi-Tech.Mail.ru. Kompaniya rasman qurilmani namoyish etgan.
Xiaomi Mi 10S hozirda savdolardan olingan o‘tgan yilgi Mi 10 va yangi Mi 11 flagmani o‘rtasidagi qurilmaga aylangan. U qora, oq yoki ko‘k rangli shisha qopqoqqa ega standart dizaynga ega.
Smartfon yangi Snapdragon 870 protsessorida ishlaydi — bu oldingi avlod Snapdragon 865’ning yaxshilangan versiyasi bo‘lib, uning yadrosidagi takt chastotasi oshirilgan va zamonaviy 5G-model qo‘shilgan. Shuningdek, unga sig‘imi 5000 mA/soatga teng akkumulyator o‘rnatilgan bo‘lib, u 33 vattli tezkor quvvatlanish funksiyasiga ega. Kameralari soni to‘rtta — asosiy kamerasi 108 megapiksell.
Kompaniya hozircha smartfonning barcha jihatlarini oshkor etmagan, uning to‘laqonli taqdimoti 10-mart kuni bo‘lib o‘tadi — o‘shanda yangi modelning barcha texnik tavsifi va narxi ma’lum bo‘ladi.
Avvalroq Redmi kompaniyasi K40 seriyasiga kiruvchi uchta smartfonini namoyish etgani to‘g‘risida xabar berilgandi.
Izoh (0)