OnLeaks niki ostidagi mashhur insayder Huawei kompaniyasining yangi P50 Pro flagmanining suratlari bilan bo‘lishdi, deb xabar beradi Hi-Tech.Mail.ru.
Zamonaviy smartfonlarning old tomoni bilan deyarli bir xil, shu sababli kompaniyalar noyob dizaynni orqa qopqoq orqali taqdim etishga urinmoqda. Huawei kamera modullari atrofiga 8 raqami kabi ikkita juda katta aylanani tushirishga qaror qilgan.
Insayderning ta’kidlashicha, kompaniya ikkita kamerali smartfon taqdim etishi haqiqatdan yiroq, shu sababli katta modullar ichida bir nechta obyektiv joylashtirilishi mumkin. Yoki bitta aylanada katta kamera, ikkinchisida — ikki yoki uchta qo‘shimcha kamera joylashishi mumkinligi varianti ham bor. Qolgan jihatlari bilan Huawei P50 Pro standart ko‘rinishga ega: kichik hoshiyalarga va barcha tomonlari egilgan 6,6 dyuymli displey, shisha qopqoq va metall rom.
Aftidan, yangi qurilma Huawei Mate 40 Pro’ga o‘rnatilgan Kirin 9000 protsessorida ishlaydi. Smartfonga oid qolgan tafsilotlar uning anonsi avvalida paydo bo‘ladi — qurilma yaqin oylarda taqdim etilishi kerak.
Huawei P50 Pro’ning narxi qancha bo‘lishi ham hozircha noma’lum, undan oldingi model — P40 Pro’ning narxi 950 dollardan boshlangan.
Avvalroq Huawei Mate 40 va iPhone 12’ning suv o‘tkazmaslik qobiliyati kir yuvadigan mashinada “tekshirib ko‘rilgani” to‘g‘risida xabar berilgandi.
Izoh (0)