Professional boksning yarim o‘rta (-66,68 kg) vazn toifasida ringga chiqayotgan Qudratillo Abduqahhorov (18-0, 10 KO) Toshkent vaqti bilan 14-mart tongida o‘zining navbatdagi jangini o‘tkazdi.
O‘zbekistonlik bokschi AQShda bo‘lib o‘tgan boks kechasida Puerto-Riko vakili Xaviyer Floresga (15-3, 13 KO) qarshi ringga chiqdi. 10 raundga mo‘ljallangan jangda Abduqahhorov katta ustunlikka ega bo‘ldi. 8-raunddan keyin raqib tomoni jangni davom ettirishni xohlamadi va Qudratilloga texnik nokautlik g‘alaba yozildi.
Shu tariqa Abduqahhorov professional boksdagi g‘alabali yurishini davom ettirdi.
Eslatib o‘tamiz, avvalroq Flores tibbiy ko‘rikdan o‘ta olmagani sabab mazkur jang bekor bo‘lgani va o‘zbekistonlik bokschi aprel oyida Kodi Krouliga (19-0, 9 KO) qarshi jang o‘tkazishi xabar qilingandi. Keyinchalik Xaviyer tibbiy ko‘rik masalasini hal qilgan va jang o‘z muddatida o‘tkazildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)