Futbol bo‘yicha Angliya Premyer Ligasining 28-turidan o‘rin olgan bir qator uchrashuvlar 13-mart, shanba kuni bo‘lib o‘tdi.
“Manchester Siti” safarda “Fulhem”ga qarshi bahs olib bordi. Birinchi bo‘limda darvozalar daxlsiz qoldi. Tanaffusdan keyin esa “shaharliklar” raqib darvozasini javobsiz uch bor aniq nishonga oldi. “Siti”ning gollariga Jon Stounz, Gabriel Jezus va Serxio Aguero muallif bo‘ldi.
Mazkur g‘alabadan keyin “Manchester Siti” ochkolari 71 taga yetkazib oldi va ikkita zaxira o‘yiniga ega eng yaqin ta’qibchisi “Manchester Yunayted”ni 17 ochkoga ortda qoldirmoqda.
“Everton” o‘z uyida “Byornli”ni qabul qildi va kutilmaganda mag‘lubiyatga uchradi. “Kristal Pelas” esa “Vest Bromvich”ni minimal hisobda taslim etdi.
APL
28-tur bahslari
13-mart, shanba
“Fulhem” — “Manchester Siti” 0:3
Gollar: 0:1 – 47 Stounz, 0:2 – 56 Gabriel Jezus, 0:3 – 60, penalti Aguero.“Fulhem”: Areolya, Ayna, Adarabioyo, Andersen, Tete, Lemina (Onoma, 73), Zambo-Angissa, Kavaleyru (Robinson, 80), Loftus-Chik (Mitrovich, 63), Lukman, Rid.
“Manchester Siti”: Ederson, Mendi, Stounz, Ruben Diash (Erik Garsiya, 75), Joau Kanselu, Rodri, Bernardu Silva (Fernandinyo, 67), Ferran Torres, Lyaport, Aguero, Gabriel Jezus.
“Everton” — “Byornli” 1:2
Gollar: 0:1 – 13 Vud, 0:2 – 24 Maknil, 1:2 – 32 Kelvert-Lyuin.“Kristal Pelas” — “Vest Bromvich” 1:0
Gol: 1:0 – 37, penalti Milivoyevich.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)