Rossiya prezidenti Vladimir Putin hukumatga bir oy ichida Arktikani rivojlantirish rejasini tayyorlashni yakunlash va qabul qilish to‘g‘risida ko‘rsatma berdi. Bu haqda “Kommersant” xabar berdi.
“Arktika masalasiga kelsak, men sizlardan bir oy ichida Arktikani rivojlantirish bo‘yicha yagona rejani tayyorlash va tasdiqlashni yakunlashingizni so‘rayman”, — dedi prezident hukumat vakillari bilan bo‘lgan majlisda. Putin buning juda muhim masala ekanini ta’kidladi va hozirgi ish jarayonida uni ko‘zdan qochirmaslikka chaqirdi.
Rossiya Federatsiyasining Uzoq Sharqni rivojlantirish vazirligi rahbari Aleksey Chekunkovning majlisda bergan hisobotiga ko‘ra, umumiy qiymati 185 milliard rublga teng loyihalarni amalga oshirayotgan 64 ta korxona Arktika zonasi rezidentlariga aylangan. Yana oltita loyiha davlat tomonidan qo‘llab-quvvatlandi.
2020-yilning oktabr oyida Putin 2035-yilgacha Arktika zonasini rivojlantirish va milliy xavfsizlikni ta’minlash strategiyasini tasdiqladi. Shunda Arktikaga investitsiya jalb qilish maqsadida hukumat infratuzilma va sanoat loyihalari uchun imtiyozli kreditlar stavkalarini 5 foizdan 2 foizgacha pasaytirish to‘g‘risida qaror qabul qildi. Arktika zonasi rezidentlari uchun sug‘urta to‘lovlari stavkasi o‘n yilga 30 foizdan 7,5 foizgacha pasaytiriladi (kichik biznes uchun 3,25 foizgacha), daromad solig‘ining federal qismini (3 foiz) nolga tenglash ham shu muddat ichida amal qiladi va foydali qazilmalarni qazib olish uchun soliq stavkasi 5 foizigacha kamaytiriladi. Shuningdek, Arktikada erkin bojxona zonasi protsedurasi amalga oshiriladi.
Ma’lumot uchun, Rossiya prezidenti Vladimir Putin va Turkiya prezidenti Rajab Toyyib Erdo‘g‘on videokonferensaloqa rejimida Turkiyadagi “Akkuyu” atom elektr stansiyasining (AES) uchinchi energiya bloki qurilishiga start berdi.
Izoh (0)