Shifokor ot, sun’iy muzliklar, velopoygadagi g‘irromlik: 2020-yilning eng muhim voqealari — fotosuratlarda
World Press Photo fotomuxbirlari uchun o‘tkazilgan eng yirik xalqaro tanlovning hakamlar hay’ati 2020-yilning eng muhim voqealarini suratga olishga muvaffaq bo‘lgan finalchilarni aniqladi. “Izvestiya” nashri g‘oliblikka da’vogarlarning asarlaridan iborat fotojamlanmani taqdim etdi.
Azat Gevorkyan va uning rafiqasi uyi bilan xayrlashmoqda. Tog‘li Qorabog‘dagi so‘nggi qurolli to‘qnashuv paytida ular uyini tark etishga majbur bo‘lgan, chunki urush natijasida hududning bir qismi Ozarbayjonga o‘tgan.Foto: World Press Photo 2021
Braziliyaning San-Paulu shahridagi qariyalar uyida 85 yoshli Roza Luziya hamshirani quchoqlamoqda. Bu Rozaning 5 oylik izolyatsiyadan keyingi ilk uchrashuvi. 2020-yilning mart oyida pandemiya boshlanishi bilan mamlakat bo‘ylab qariyalar uylari tashrif buyuruvchilar uchun o‘z eshiklarini yopdi va millionlab braziliyaliklar keksa qarindoshlarini ziyorat qilishdan mahrum bo‘ldi.Foto: World Press Photo 2021
Keniyaning Archers Post posyolkasi rahbari Genri Lenayasa Sharqiy Afrika bo‘ylab yaylovlarni vayron qilgan cho‘l chigirtkalari to‘dasini haydashga urinmoqda. Zararkunandalarning tarqalish darajasi so‘nggi 70 yil ichida eng cho‘qqiga chiqdi, bu esa pandemiya bilan birga Afrika mamlakatlaridagi oziq-ovqat inqirozini o‘ta keskinlashtirdi.Foto: World Press Photo 2021
Bayrutdagi portlashda tirik qolgan erkak. Avgust oyida yuz bergan portlash oqibatida shaharning yarmiga zarar yetib, 6 mingga yaqin bino vayron bo‘lgan, kamida 190 kishi halok bo‘lgan, yana 6 ming kishi yaralangan va 300 ming kishi evakuatsiya qilingan.Foto: World Press Photo 2021
Flint Jaguars basketbol jamoasi Flint shahrining omon qolishiga katta hissa qo‘shib kelmoqda. Amerikaning Flint shahri avtosanoat, sog‘liqni saqlash va shahar suv ta’minotidagi inqiroz tufayli yuzaga kelgan ommaviy migratsiyani to‘xtatishga harakat qilmoqda. Basketbol mahalliy madaniyatning ajralmas qismi hisoblanadi; bir vaqtlar bu shaharda o‘nlab sport yulduzlari tarbiyalangan. 2017-yilda Flint Jaguars shaharda qolgan so‘nggi ikkita basketbol maktabi jamoalarini birlashtirdi.Foto: World Press Photo 2021
Tog‘li Qorabog‘dagi Karegax qishlog‘ida yashovchi erkak o‘z uyini abadiy tark etishidan oldin uyni yoqib yubordi.Foto: World Press Photo 2021
Saratonga chalingan 24 yoshli Manon o‘g‘li Etan va Peyo laqabli ot bilan. Fransiyaning Kaley shahridagi xospisda Peyo bemorlarga stressni kamaytirish, og‘riqni yengillashtirish va ularning jismoniy holatini yaxshilashga yordam beradi. Peyo har oyda taxminan o‘nlab bemorlarga xizmat qiladi.Foto: World Press Photo 2021
IShID jangarilarining 2014-yilgi hujumlaridan so‘ng Iroqda minglab yezidlar bedarak yo‘qolgan. Bosqinchilar mahalliy aholini qullikka tortgan, odam boshiga 50 dollardan berib sotib olgan yoki shunchaga sotgan. Hudud jangarilardan ozod qilingandan so‘ng 3,5 mingga yaqin qullar asirlikdan ozod qilingan.Foto: World Press Photo 2021
Hindiston fuqaroligi to‘g‘risidagi yangi qonunni qabul qilinishi natijasida yuzaga kelgan qirg‘inlardan keyin Dehlidagi kvartiralardan birining ko‘rinishi. Qonunga bo‘ysunmagan hindistonlik musulmonlar norozilik namoyishlari uyushtirdi. Bularning barchasi shiddatli to‘qnashuvlarga va o‘nlab qurbonlar bilan musulmonlar qirg‘iniga olib keldi.Foto: World Press Photo 2021
“Saxavud” — Rossiya hududiga kiruvchi Saxa respublikasidagi kino sanoatining markazi. 1990-yillardan beri bu yerda filmlar ishlab chiqarish muvaffaqiyatli rivojlanib kelmoqda, ular orasida romantik komediyalardan tortib, mahalliy afsonalar asosida ertaklar va fantaziya janridagi kinolar ham bor. Aksariyat aktyorlar bu sohada diplomga ega emas, ammo mahalliy kinorejissorlar mehnatining samarasi mintaqada juda mashhur. So‘nggi yillarda Saxa kinoteatri xalqaro miqyosda rivojlanib, ko‘plab mukofotlarga sazovor bo‘ldi.Foto: Global Look Press
Pandemiya davri o‘rtalarida Kaliforniya sohilidagi qiziquvchan dengiz mushugi. 2020-yil dunyoning ko‘plab mamlakatlarida ochiq havoda niqob kiyish majburiy etildi. Natijada tabiat qo‘yniga chiqqan sayohatchilar qushlar, baliqlar, dengiz sutemizuvchilari ozuqa sifatida yeb yuboradigan niqoblar va plastmassa chiqindilar uyumlarini qoldirib keta boshladi.Foto: World Press Photo 2021
Hindiston shimolidagi Ladax hududining aksariyat qishloqlari global isish va muzliklarning ortga chekinishi sababli suv tanqisligiga duch kelmoqda. Muammo ayniqsa bahorda — ekin ekish davrida keskinlashadi. Mahalliy muhandis Sonam Vangchak Budda haykalchalari shaklidagi sun’iy muzliklar qurish yo‘lini o‘ylab topdi. Muzliklar qishda tayyorlanadi, yerosti quvurlari orqali tog‘lardan erigan suv bir joyga to‘kiladi. Oxirgi qism vertikal ravishda joylashtiriladi, natijada yuqori bosim ostida suv favvora bilan otila boshlaydi va muzlaydi. Bahorda muz eriy boshlaydi va yerga namlik tushadi. 2020-yilda bunday inshootlar 26 ta qishloqda paydo bo‘ldi, hozirda yana 50 ta qishloqda qurilish ishlari olib borilmoqda.Foto: World Press Photo 2021
Pandemiya tufayli Shveysariya Ikkinchi jahon urushidan beri birinchi marta o‘z chegaralarini yopdi. O‘nlab yillar davomida chegara hududlari aholisi qo‘shni mamlakatlar o‘rtasida erkin harakatlangan. 2020-yilda ular yaqinlari bilan qay tarzda ko‘rishish yo‘llarini izlab topishga to‘g‘ri keladi.Foto: World Press Photo 2021
Pandemiya avjiga chiqib, barcha chegaralar yopilgan paytda Suriya, Iroq va Afg‘onistondan kelgan o‘n minglab qochqinlar Yunonistonning Samos va Lesvos orollarini makon qildi. Natijada mahalliy aholi vaqtinchalik lagerlarni o‘z uylari atrofiga joylashtirilishiga qarshilik qilib, muhojirlar esa hududga kirishni talab qilib ko‘plab norozilik namoyishlar o‘tkazdi. Foto: World Press Photo 2021
Jirafaning eng noyob va baland bo‘yli turi bo‘lgan Rotshild jirafasi. Kuchli yomg‘irlar tufayli Keniyaning toshqin ostida qolgan Longicharo orolidagi jirafalar maxsus qurilgan kemada xavfsiz hududga tashilgan. Hayvonlarni oziq-ovqat bilan ovlashning iloji yo‘q edi — yog‘ingarchilik tufayli orolda o‘simliklar ko‘p bo‘lgan uchun ular yaxshi ovqatlangan. Natijada trankvilizatorlardan foydalanishga to‘g‘ri kelgan, bu jirafalar uchun juda xavfli bo‘lishi mumkin, chunki ular o‘zlarining tupuriklaridan bo‘g‘ilib, qon bosimining o‘zgarishi tufayli miyasi zararlanishi mumkin. Shu sababli, tashish davomida veterinar vrach jirafalar yonida navbatchilik qilgan.Foto: World Press Photo 2021
2020-yil yanvar oyida yuz bergan Filippindagi Taal vulqonining otilishi oqibatida deyarli 750 ming kishi aziyat chekdi. Tabiiy ofatning mamlakatga yetkazgan zarari taxminan 70 million dollarga baholanmoqda.Foto: World Press Photo 2021
Small Armys Survey tadqiqotlariga ko‘ra, dunyodagi barcha shaxsiy qurollarning yarmi AQShdagi oddiy fuqarolarning qo‘lida to‘plangan. Mamlakatning 328 million aholisida 393 million qurol bor. Qurolga egalik 1791-yilda qabul qilingan va hanuzgacha tortishuvlarga sabab bo‘layotgan AQSh Konstitutsiyasiga kiritilgan ikkinchi tuzatish bilan kafolatlanadi. Ayni paytda Qo‘shma Shtatlar ommaviy otishmalar bo‘yicha dunyoda yetakchi o‘rinni egallab turibdi, faqatgina 2020-yilning o‘zida otishmalarning 633 tasi sodir etilgan.Foto: World Press Photo 2021
Jumbo-Visma jamoasining niderlandiyalik velosipedchisi, “Polsha turi”ning birinchi bosqichida yetakchi bo‘lgan Dilan Grunevegen qoidalarni buzdi va velopoygachi Fabio Yakobsenni to‘siqqa siqib qo‘ydi. Raqib 80 km / soat tezlikda panjara ustidan uchib o‘tdi va g‘olib deb topildi, huquqbuzar esa poygadan chetlatildi.Foto: World Press Photo 2021
2020-yil 4-avgust kuni soat 18:00 atrofida Bayrut shahri kuchli portlashda larzaga keldi. Portda payvandlash ishlari ketayotgan payt u yerda saqlanayotgan 2,7 ming tonna ammiakli selitra portlagan. Iordaniyalik seysmologlar uning kuchi 4,5 balli zilzilaga teng ekani haqida xabar berdi.Foto: World Press Photo 2021
Izoh (0)