Россия президенти Владимир Путин ҳукуматга бир ой ичида Арктикани ривожлантириш режасини тайёрлашни якунлаш ва қабул қилиш тўғрисида кўрсатма берди. Бу ҳақда «Коммерсантъ» хабар берди.
«Арктика масаласига келсак, мен сизлардан бир ой ичида Арктикани ривожлантириш бўйича ягона режани тайёрлаш ва тасдиқлашни якунлашингизни сўрайман», — деди президент ҳукумат вакиллари билан бўлган мажлисда. Путин бунинг жуда муҳим масала эканини таъкидлади ва ҳозирги иш жараёнида уни кўздан қочирмасликка чақирди.
Россия Федерациясининг Узоқ Шарқни ривожлантириш вазирлиги раҳбари Алексей Чекунковнинг мажлисда берган ҳисоботига кўра, умумий қиймати 185 миллиард рублга тенг лойиҳаларни амалга ошираётган 64 та корхона Арктика зонаси резидентларига айланган. Яна олтита лойиҳа давлат томонидан қўллаб-қувватланди.
2020 йилнинг октябрь ойида Путин 2035 йилгача Арктика зонасини ривожлантириш ва миллий хавфсизликни таъминлаш стратегиясини тасдиқлади. Шунда Арктикага инвестиция жалб қилиш мақсадида ҳукумат инфратузилма ва саноат лойиҳалари учун имтиёзли кредитлар ставкаларини 5 фоиздан 2 фоизгача пасайтириш тўғрисида қарор қабул қилди. Арктика зонаси резидентлари учун суғурта тўловлари ставкаси ўн йилга 30 фоиздан 7,5 фоизгача пасайтирилади (кичик бизнес учун 3,25 фоизгача), даромад солиғининг федерал қисмини (3 фоиз) нолга тенглаш ҳам шу муддат ичида амал қилади ва фойдали қазилмаларни қазиб олиш учун солиқ ставкаси 5 фоизигача камайтирилади. Шунингдек, Арктикада эркин божхона зонаси процедураси амалга оширилади.
Маълумот учун, Россия президенти Владимир Путин ва Туркия президенти Ражаб Тоййиб Эрдўғон видеоконференцалоқа режимида Туркиядаги «Аккую» атом электр станциясининг (АЭС) учинчи энергия блоки қурилишига старт берди.
Изоҳ (0)